لعمري انْي احبك موت ويعجبني بك الاخلاص
وفيّه والوفا "دره" قليل الخلق تملكها
معاني الحب والاحساس حرام يعمّها الانقاص
معاني من خيوط النور قليل الناس تدركها
"ي" نكهْه من شعاع الشعر لعطر الليل "معنى خاص"
دروب الحب لو وعره لزوم اني لك اسلكها
رواية نبض خفاقي روايه ما رواها قاص
ترى روحي تحبك حب بديت اخاف يهلكها
يا لهفة عيني لعينك مثل ما لهفة القناص
اذا شاف الحبارى تحوم مُناه "الحر" يدركها
يساورني غلاك بورد يكبلني بعمق إمحاص
واذا غبتي من الحسره اعظ الكف وافركها
نعم تذبحني عيونك ولكن ما طلبت اقصاص
مشاعر وأورده فيني ولا غيرك يحركها
عصافير الوله فيني ترى ضاقت بها الاقفاص
تغني لك بصوت الحب وليال البعد محلكها
ارستقراطي التعبير. درر ما نالها الغواص
حروفي نطقة شفاهي وروحي البعد ينهكها
تجمع بي جمر بعدك وبارودٍ بعمق ارصاص
بلابل طيفك تْجيني ومُنى التفكير يمسكها
ترى من يملك الدّره لزوم يصونها بإخلاص
وانا نلت الشرف كله مادام اني انا املكها






للشاعر علي بن عبدالله الراسبي