يالله يامعبود يارب الارباب
ياواحدن ماله شريكن ينده

ياغافرن زلات عبده اذا تاب
ومقلبن قلب البريا بيده

ماذل مخلوقن لجالك ولاخاب
من جود مدك كل مخلوقن بده

يالله جيتك مستجيرن وطلاب
عبدك لجالك من صلوفن تحده

أسألك تفتح لي من الخيرأبواب
وكل بابن من الشر أسألك رده

أبدعت قول القاف خير ماطاب
أنقي جزيل القول جزلن وأعده

أنصح عموم الناس غربن وأقراب
لكل خلايق الله فيني لهم حب وموده

يامن غره كسا جسمه غالي الثياب
مد النظر ياقصر الشــــــوف مده

عمره قصير النظر بالظن ماصاب
وأعطي لراعي الشور حقه وحده

الرجل بأفعاله يتنزه ومنها ينعاب
والناس بأفعال المراجل تــعده

والخلق تنقسم فروعن وانساب
والرجل يعطيه الفخر فعل يده

والعرق يلحق والاصل دوم غلاب
وكلن على ماقيل شفه مرده

ولاكل طيرن فيه ريش ومخلاب
يظفر بصيد الخرب لامن تهده

الشهم يقدم على الهيجاء ولايهاب
ويضرب بسيوفن تدك الطوابيرحده

والطيب بين الناس من سلم الاطياب
ماكل شئ ينثني لو بالقوه تشده

ولي رجعه وأكمل لكم القصيده