منتديات جعلان - عرض مشاركة واحدة



المشاركة الأصلية كتبت بواسطة جرح الزمن

السلام عليكم ورحمة الله وبركاته

.. بطاقة عرسها ..

جاها النصيب وعلموني بالاخبار ... ولاعاد عندي غير ازف التهاني
ياليتها تنسى المحبه وتختار ... زمان غيري لاتدور زماني
سمتني الطرقي على شان الاسفار ... اجي لها من شاطي الشرق عاني
في حبها ذقت النكاير والامرار ... واللي وطا مجنون ليلى وطاني
كم مرة ٍ لعيونها دست الاخطار ... وارخصت عمري يوم ربي وقاني
ماطعت من هو شار في خير الاشوار ... اللي عن دروب الموده نهاني
الموووت قدامي على سكة النار ... والنفس .. ماترضى طريق الهواني
لا شك تدبير الليالي والاقدار ... راااحت وانا سلم القبايل حداني
عندي خبرها تترك الدار لديار ... وانا مكاني ماتغير مكاني
اما الزمان اللي تعشمت به جار ... والا ان حظي عن هواي احتداني
والله ماكنت اتكلم بالاسرار ... لولا القهر غطا سماي وغشاني
علي اصد ويكفي النفس ماصار ... يكفي علي من الظروف امتحاني
ادعي لها الله دايما ً سر وجهار ... تلقى سعادتها مع انسان ثاني
اليوم ابحرق لاجلها كل تذكار ... كل الرسايل والعطر والاغاني
واحرق بطاقة عرسها ضمن الاشعار ... وارضى بما قدر عليّه وجاني
واقول.. ياقلب العنا خل الافكار ... وانسى السنين اللي تعدت ..عشاني

بكره يعلمك الزمـن كيـف تمشيـه = كثـرت زلاتـك ولا انـت تحسبهـا

رح في طريق اللي تحبـه وتغليـه = النفس مـا تقـوى بطبـع(ن) غلبهـا

وكانك بغيت الصدق يا جاهل(ن)فيـه = فارخص صفات النفـس قلـة ادبهـا

وعليك انا بالذات مـا لـي iiمشاريـه = ماهي على شـرواك تسـوى تعبهـا

انا اعرف ان ما فاقد الشـئ يعطيـه = والمرجلة في النـاس للـي كسبهـا

واعرف بعد بالهـرج تفكيـر راعيـه = كم حجـة(ن) السانهـا اللـي نكبهـا

كلا علـى مربـاه واصلـه يقديـه = والنـار يـا شبابهـا مـن حطبـهـا

مـازان شيء(ن)باولـه زان تاليـه = ويمنى(ن) عطت بالطيب تاخذ طلبها

وكلا له من الناس شخص(ن) يخاويه = ونفسي مع الاجـواد تلقـى طربهـا

كل اجود(ن) تزهى السوالف بطاريـه = مثـل الكنـوز اللـي يقسـم ذهبهـا

باسوقهـا برويـد والـدرب بطويـه = والعزم لـو الاقـدام تعبـت سحبهـا

انا مكانـي بيـن الاجـواد شاريـه = مع الرجال اللي عريـب(ن) نسبهـا

رح في طريق اللي تحبـه وتغليـه = النفس ما تقـوى بطبـع(ن) غلبهـا