في داخلي ضيقة و حزْن و تناهيت
ثلاث حالات إن لفني .. لفن جمْع
عند التمني ليتني ما تمنيت
وش فايدةْ كثر التمني بلا نفْع ؟!
ما هيب منوةْ ( يعل ) أو ( لو ) أو ( ليت )
ذاك التمني مات مع موتةْ الشمْع
ما دام وضعي ساقني عكْس ما شِيت !!
معناتها بمشي على رغبةْ الوضْع
والله يلو عيّيت .. مااقول عيّيت
أسكت واْنا مفجوع من شدةْ الوقْع
حالي ضريت آعيش نصه .. بلا صيت
و الربع آبيحه .. و آتحفّظ على الربْع
يتساقط الهم وأصوله مثابيت
مثل الورق يسقط .. ولا يسقط الجذْع