شفتك تهل دمـوع عينـك وصديـت ما ودي أشوفـك تهـل العبايـر
أقفيت عنك وليتني عنك مـا اقفيـت أمسيت أنا في موقفي منك حاير
عزيت نفسي فيك لـو مـا تعزًيـت بان القدر مكتوب والوقت جايـر
عز الله اني فـي غرامـك تماديـت من سبًتك ذقت العنـا والعزايـر
حاولت أخفف لوعتي منك وازريـت أسامر الجلاًس واضحك واساير
وليا طرا لي ما مضـا معـك ونًيـت أنا من الفرقا حزيـن الضمايـر
ما جت لي الدنيا علـى مـا تمنيـت صارت حياتي كل ابوهـا خسايـر
أسري على طريـاك واقابـل البيـت من واهجٍ بالقلب يشعل سعايـر
واليا وقفـت اقبـال بيتـك ولديـت هلًت دموعي واغرقت كل عايـر
وابكيت من حولي هل الحي وابكيـت كل الركون المظلمـه والعمايـر
وناديت ما رديت لي قلـت يـا ليـت يا ليتني طيرٍ مع الجـو طايـر
واطير يمًك كل ما اصبحت وامسيـت وان شفتني حولك طويت الستاير
أشاهـدك قـدام عينـي ليـا جيـت يا باهي الطلًه نزيـه السرايـر
الله يا كـم لـك تشوًقـت وابطيـت وانا على لاماك اسوق البشايـر
أقسم بمن هو يجمع الحـي بالميـت في وقت تشخص فيه كل النظاير
ما أنساك لو أنـك لحبـي تناسيـت واجيك لو طالـن الأيـام زايـر
بس انتظرني واذكر العهد لا اوفيت لا بد من يـومٍ تـدور الدوايـر

وسلااااااااااااااااااااااااااااامتكم يا الغالــــــــــــــين..........,