منتديات جعلان - عرض مشاركة واحدة



لعيون مغتربه..وجميع الاعضاء

{الجزء الرابع}

فتحت عيوني شوي شوي, وأني احك شعري: ساره.. سوير طفي الغنيه صدعتيني..
ساره: يله أحلام بسج رجاد نشي.. مابقى شي على محاضرتج

حطيت الوساده علي ويهي: انزين
رجدت شويه بعدين ثرت نقزانه من الحلم الي حلمته: بسم الله الرحمن الرحيم..

ساره: شو شو بلاج؟؟
أحلام ابلع ريجي: مشي.. اوووف حلم! كم الساعه؟
ساره: تسع
سحبت الحاف عني وطلعت صوب الحمام..حتى أني نسيت أخذلي ثياب..الصراحه كان حلم يروع.. فتحت الدش ودخلت فعالم ثاني,,,

بعد مالبست الروب دخلت الحجره مالقيت ساره<< أكيد روحت لخلود,, دحاحات وتلاقن

لبست تنوره خضراء ومزركشه بريمبو بشكل حلو وملفت ولبست عليها قميص مطاط من نفس اللون بس ساده.. وحطيت بودره وكحل وسويت رموشي بمسكره(ماكنت أحط ميك أب وايد بالجامعه)..
لفيت شيلتي ولبست عباه مسكره وشليت أغراضي وطلعت...

.
.
.

اليوم ماكان عندي غير محاضره وحده بس ماحبيت ارجع السكن عشان الحلم المزعج الي حلمته.. مريت الفير وشتريتلي بطاطس وميرندا وشويه كاكاوات وروحت الاستراحه..
جلست علي الكنبه الطويله ومديت ريولي عليها وبديت أكل وفكري عند الي جالس تحت فالاب... ماأظن شافني! بس طالع كشخه.. تظنين ياأحلام أنه صدق يفكر فيك مثل ماتفكري فيه؟؟ أنزين ليش ماكلم هلي؟ وليش هم ماقالولي شي بارحه لما دقيت عليهم؟؟ اوووووف صرت حتى ماأركز فمحاضراتي وكله أتشوف الممر,, أنتظر بس طيف واحد ضعيف وأسمر يمر من جدامي.. الله يسامحك ياسالم "وخذت نفس عميق" أوووووف

جمعت أغراضي لأنه خلاص ماعندي نفس أكل زياده نزلت تحت وركبت واحد من الباصات عشان ارجع السكن,,,

بعد ماتسبحت جلست فصاله شويه عشان اذاكر.. بس قطع عليه نغمة اتصال فتيلفوني وقفت وروحت ركض للحجره..
رفعته عن الطاوله ورديت: الوووو
جميله: أحلام يبر الله مصابك.. والله كنت ابا أكلمك من وقت بس قلت أخليك لين تهدي..

حطيت إيدي علي ثمي وشهقت من الصدمه وبدت دموعي تنزل ولساني انشل ماقدرت انطق بكلمه يعني حلمي كان دلاله على شي صاير..بس من؟؟ من اليــــ...؟؟

وأخيرا نطقت: من مات؟؟؟؟
جميله: يعني أنتي متعرفي شي؟؟؟؟؟؟
صرخت: من؟؟ من مات؟؟؟؟

سكتت شويه:.............

جميله: عمتك.. عمتك شمسه
والله ياأحلام اني كنتــــــــ..
بندت فويهي وبديت أبكي واكفخ عمري: لا لا عمتي لا ياربي ليش؟؟
مسكت تيلفوني ثلاث مرات وهو يطيح مني..كنت ارتجف ماقدرت أتمالك أعصابي كل عروقي تنبض وراسي بينفجر,,
ولما قدرت أمسكه دقيت علي رقم يماع.. بعد 4دقات رد بصوت هادي علي غير عادته -وأذيه الي خوفني زياده-: الووو

أحلام: صدق عمتي ماتت؟؟
يمعه: من قاللك؟
أحلام صرخت بحزم: صدق عمتي ماتت؟؟ جاوبني
يمعه: اهاا اليوم الصبح
أحلام ودموعي أربع اربع: ليش ماقلتولي؟؟

يمعه: وألحين عرفتي! يعني هيش بتسوي لو عرفتي من وقت؟؟
أحلام ببكي: يمعه أني مقدر أجلس هنيه.. ابا أمي
يمعه: هدي وذكري ربك وأن شاء الله باكر بطلعي مع البنات..
قاطعته: لا مابا ابا أروح اليوم اليوم!
يمعه: أنزين هيش اسويلك؟؟ أني مقدر اضرب خط لمسقط وارجع عشان ويهك.. خفي الملاغه وكبري عقلك

أحلام: أي ملاغه أنته ويهك أني ابا أمي مقدر استحمل اقعد وحدي هنيه

يمعه: يعني هيش تبيني اسويللك؟؟
أحلام وبكاي زاد: ميخصني تصرف..تصرف
يمعه: ااوووووه حن مب فاضلك
"وبند"

جلست علي الارض ونزلت التيلفون جدامي ونزلت راسي عليه واني ابكي والعن ساعة الغربه والبعد عن الاهل,, يالله ياعمتي! متي مندون ماتشوفي عيالك.. يالله اشكثر كانت تحبني وتلاعبني! عمتي..مشتاقتلك عمتي
اهئ اهئ...ااااهئ اهئ

"ورجع التيلفون يرن"
رفعته بسرعه حتى مندون معرف من المتصل..

><><><><><><><><><><><><><><>< ><><><><
><><

جلست علي الارض ونزلت التيلفون جدامي ونزلت راسي عليه واني ابكي والعن ساعة الغربه والبعد عن الاهل,, يالله ياعمتي! متي مندون ماتشوفي عيالك.. يالله اشكثر كانت تحبني وتلاعبني! عمتي..مشتاقتلك عمتي
اهئ اهئ...ااااهئ اهئ

"ورجع التيلفون يرن"
رفعته بسرعه حتى مندون معرف من المتصل..

مسحت دموعي بذراعي وأني ارد: الوووو
يمعه: شوفي أني اتصلت بسالم وهو بعده مطلع من مسقط..بيمر عليك بعد نص ساعه تعالي ماعه
أحلام: وحــــــدي؟؟؟؟

يمعه بعصبيه: مب مأكلنك الريال..
وبعدين إذا عندك حد ثاني يبك تعالي معه
أحلام: لا خلاص بي معه..بس بويه..؟؟؟؟؟؟

يمعه: بويه قال عادي سالم ريال ونعم فيه بيوصلك مب ذابحنك! يله مع سلامه

أحلام: مع سلامه

حسيت بشعور غريب بعد مابند معرفته هو حزن عشان عمتي
ولأ فرحه عشان بركب مع سالم ثلاث ساعات وحدي..؟!!

لميت شوية ثياب فشنطه سبورت ولبست عباتي وتغشيت فكرت فالتصريح بس برايه طنش تعش تنتعش..
نزلت تحت وطلعت برا بعد شوية شفت سيارة أفلون تجرب مني ونزل الزجاج..

سالم: أحلام؟؟
"أكتفيت بهز راسي" ركبي

فتحت الباب الي ورا وركبت بعد ماسكرت الباب لف عليه..وقال: ليكون أني سواقك وأني ماعرف..؟ ليش ركبتي ورا؟؟

رديت بصوت مبحوح من البكي: كذيه أحسن..
ماعرف هو أحترم رأي أو أني قطعت قلبه..لف عني بسرعه وتحرك..
وطول الطريق وهو ساكت مشي غير صوت عبدالباسط وصوت نحيبي يصدح بالسياره..

ماكنت أتوقع فيوم من الأيام أني بفقد عمتي,,طول الطريق وأني أبكي وكل ماحاولت أسكت اتذكرهي وابكي..

فجأه قصر على صوت المسجل لأنه جاه اتصال ورد عليه..
سالم: هلا بومحمد..
((سكت وجلست اتسمعه هيش يقول))
والله طول الطريق ماسكتت كله تبكي..
جمعه: هلله هلله فيها تراها غاليه.'يطلع لسانه' بس لاتقوللها تراه يكبر راسهي
سالم: أن شاء الله بحطهي فعيوني..
'سكت شويه بعدين قال'
يمعه دفنوها؟؟؟

هنيه خلاص بدت عروقي تنبض ودموعي تنزف..حتى أني ماسمعت شي من الي يقولوه!
معقوله خلاص مب شايفتنها بعد اليوم..معقوله عمتي الوحيده روحت, وماعاد لها وجود فحياتنا؟؟
معقوله ماعاد اقدر اناديها واضمها بعد اليوم؟؟

فجأه أنتبهت لصوت سالم وهو يقول: صالــــــــــــح ؟؟

"مسحت دموعي بغشوتي وانصت له"عمي صالح؟؟ " وتمو يتكلم عنه..أنه خذ اجازه طويله و بيرجع باكر وووو..."

٧
٧
٧
٧
٧

لو الأمر بيدي لأمسك الدنيا وأحطها بيمناك
وأقول لها يادنيا
دلليه
فرحيه
وإضحكي له
ولاجا شايل منك هم
خذي حزنه وأشربيه
وأوعديني يادنيا
لأحبابه
وعمره "تحفظيه.."
مابي أكثر يادنيا غير إنك "تسعديه.."

وقفت الافلون قدام بيت عمي معرفت عمري كيف نطيت من السياره..وسيده علي الباب, لأني كنت محتاجه حد يحضني محتاجه حد يطبطب عليه..
وقبل ماأدخل من الباب طلع فويهي راشد تشوف عليه وكنه يشوفني من تحت الغشوه
نقل نظره بيني وبين سالم -الي نزل بعدي-...وعيونه تحكي الف معنى!
راشد بصوت منخفض: يايه معه وحدك؟؟
كنت ارتجف حتى أني معرفت كيف طلع الكلام من لساني: يمعه قالي... راشد بعد عن الباب ابا ادخل..

زم شفايفه بقوه: وأذا اذاك الحمار معرف يصونك! أنت ترضيها على عمرك؟ مسافة 4ساعات راكبه مع ريال غريب؟؟

صدمني الصراحه بس ماكان فيه بارض ارد على همجيته فقلت: سالم ولد خالي مثل منته ولد عمي 'ومديت أيدي عشان يبعد' راشد أرجوك مالي خلق خليني أدخل..

"دخلت وأني متأكده أنه نظراته الجامده تلاحقني..
مثل ماني متأكده أنه فقلبه ضيم بعده ماطلع"

><><><><><><><><><><><><><><>< ><><><><
><><

الجزء الخامس..

مرو علينا الأسبوعين مثل البرق.. أني داومت الأسبوع الثاني, بس أحلاموه(طنشت).

المهم اليوم من الصبح روحت بيت خالتي عشان أساعدهي فالبيت..المسكينه من تزوجت خوله وسافرت مصار حد يساعدهي@@ بيني وبينكم من ناحيه ثانيه أشتقت لحمود صارلي أسبوعين وقاصر يوم ماشفته خخخخ

المهم خالتي دخلت تتسبح وأني جلست أفسح الليوان.. وأني أفسح دخلت عليه بنت بليس..

سالمه تتغامز: أنتي هنيه؟؟
هدى مندون نفس: لاهناك

سالمه: ههه والله تعرفي تنكتي هه "قلبت نظرهي هنيه وهناك وتجدمت لين صارت جدام باب الحجره" ألا هين محمد عنك؟؟

مرديت عليها وكملت شغلي,,
سالمه بتهزيه: ااها تغاري..ههه لاتخافي حبيبتي أصلا محطيته فبالي

هدى" هيش تقصد بكلامهي أذيه؟ يعني لو هي حاطته فبالهي بتأخذه؟؟ أصلا هي طول عمرهي تلحقه وهو مسولها طاف": ههههههه لاحبيبتي مغار لأني واثقه من ريلي زين..

رفعت حيانهي بغيظ: حمود هههه سأليني أني عنه؟! محد كثره يلحق البنات..,
"هنيه أرتفع ضغطي صدق ومجدرت امسك عمري": سالمه احترمي نفسك

سالمه: ههه حبيبتي أني محترمه نفسي بس بعض الناس مايحترمو نفسهم..
هدى: اشقصدك؟؟؟؟

سالمه: قصدي واضح..قبل كنتي تطنطتي هنيه دوري ريل..أنزين الريل ياك, ليش ألحين كل شويه رازه ويهك هنيه ؟؟

هدى: أنتي وحده قليلة آدب هلك ماربوك زين.. لو كان مب ملاحقه ريال متزوج!! بس مشكله مب عندك المشكله عند الي معرفو يربوك ياالهايته,,

'ياني صوت من ورايه خلي كل جسمي يرجف ويعرق من الخوف' : هــــــــــدى..

"جرب مني ومصار مبينا غير شبر" الي مربيها مربيني قبلهي..
هدى: محمد أنته ماسمعتهي هيش تقول عنا الحماره

ماحسيت ألا بكف قبل مايصفع ويهي صفع قلبي ومشاعري معاه.
محمد: الحرمه الي ماتحترم هلي ملهي قعده معي

'فتحت عيوني علي كبرهم عشان اسمح لدمعه حاره تنزل على خدودي..دمعه غرقت كل مشاعري وأحاسيسي بلحظه,, غمضت عيوني ورديت أفتحهم,
ابا اتأكد أنه محمد هو قالي أذيه الكلام ولأ لا؟؟ لا وبعده جدام من؟ جدام سالمه! آآآآه ياالقهر..
تشوفت عليها شفت نظرة النصر بعيونهي, رديت اشوفه اباه يغير كلامه..يعتذر لي..بس قابل نظراتي بنظرات قاسيه واايد..
مسحت ادموعي الحاره وقلت من قلبي وبكل قهر: لو تبوس التراب الي أمشي عليه...والله يامحمد ثم والله مااطبلك أذيه البيت..
سحبت عباتي وطلعت وقبل ماأحط ريولي برا البيت لفيت عليه: كنت أظن أني أغلى من كيه عندك.. بس ياحسافه..

وطلعت من بيتهم وأني المكسوره ومجروحه..سرت صوب بيتني وقلبي ينزف قبل دموعي الي ماليه ويهي..دخلت علي أمي وأني أصيح مثل اليهال وقبل ماأوصل لحضنهي طحت ولاحسيت بالدنيا من حولي..,