المبتدي كلتنون
الله لا يجـزاك بالخـيـر يـابـوش
ورطتنا في حـرب صـدام ورطـة
عزمتنـي تقـول بتـرول وقـروش
بس الحقيقة روحتـي معـك غلطـة

بوش خلوها..

بلير رد العلم عن بـوش بـن بـوش
الله خلقـنـا للمقـاريـد سـلـطـة
وابـوي عنـده للرجاجيـل دنبـوش
كـم واحـد شلنـا فلوسـه ونفطـه

كلنتون خلوها..

ابوك والنعمين مـار انـت مربـوش
تمـوت بالبتـرول وتحـب شفطـه
صحيح عندك مال وسلاح وجيـوش
مير اتوقـع لـك تدهـور وسقطـه

بوش..

يابلير كانك خفت يوم احتما الهـوش
حـرام ماتاخـذ مـن النفـط نقطـه
قبلك ترى شيراك قد راح مكـروش
شوفه يصـرح كـل يـوم بمحطـه

كلينتون..

وراك ماتعطي لشيـراك عرمـوش
تـراه مشغلنـا بشيـلـه وحـطـه
واليا انتهى موضوعنا نرسل طروش
ونجمّـع المبلـغ مـن الربـع قطـه


بوش الملعون..


شيراك هذا عنـده الفكـر مغشـوش
فرط علي في مجلس الأمـن فرطـه
يدزهـا اليابـان والصيـن ويطـوش
ومجهّـز الفيتـو لتحقيـق شرطـه

كلنتون..

يابوش انا مرهق وضايق ومدهـوش
وانته تقول الحرب خدعـه وخطـه
اسراي واسراك امتلا منهم الحـوش
عز الله انـه صابنـي منـك جلطـه

بوش الملعون

ماقلت لك كم فيه اذاعات ودشـوش
لا تكشف المعنى وانا اقـول غطـه
وان قالوا انا علوج واصحابنا جحوش
ماهمنـا الصحـاف واللـي يحطـه

ملطوشه