فديت الدمع اللي لمس هالخد
فديت الدمع اللي بلل أوراقي
تشك بحبي وأنا حبي بلاحد
ولا زعلت وغبت تدمن فراقي
حبي بإيدك كل ما ارتخى شد
بس طلبتك لاتحكم اخناقي
طيب جروحي عاملني بود
لاتناظرني بعينك نظره اشفاقي
ادري قسيت وودي لقصتي حد
ليتك تحس بنار الحب واشواقي
يعني اجيك وكل مابي منهد
وانت تزيد بالدلال احراقي
وأنا وقلبي وكل مابي منشد
لحسنك وطيبك وطبعك الراقي
حرام تتركني وحيد الحال وتصد
وتحرم طرفي لذيذ النوم ماذاقي
ابسألك وانتظر منك جواب ورد
بذمتك ما اشتقت لضمة اعناقي
ماتعبت من هالحزن وطول البعد
ما اشتقت لطعم الشهد بارياقي
اشتقتلك شوق الربيع لمبسم الورد
كثر ماغابت واشرقت شمس آفاقي
أبيك توعدني وتوفي هالوعد
لاشفتني غرقني بحضنك اغراقي..
دفااا روحي..