مجموعة من الصفات استشفتها من البنات
وبالأخص أنه أحيانا بنات كل منطقة فيهم تقريبا نفس الطباع :
ببدا بصنف تقريبا أجسامهن كبيرة وفيما ندر تحصل بنت صغيرونة فيهن ،،،
شياكة وستايل ،،
بس اذا أحد تدخل ف جروبهن يا ويله
يعني مسوات منطقة محرمة
ممنوع الإقتراب وهذي بنات صلالة ..
والصنف الثاني بنات الشرقية
اذا كنت ف ممر وسمعت أصوات
من ورا الجدار تأكد مليون ف المية أنه هذيلا بنات الشرقية ،،
الدفاشة تشع من عيونهن
وأصواتهن صاخبة جدا
مرحات وااااااااايد ،، الكحل ما يخوز من العين حتى ونحن نايمين ،،
بنات الداخلية وما أدارك بهذا الصنف العجيب ،،
بنات نشيطات لأخر حد ،،
وجبة الفطور مستحيل يفوتنها ،،
لما يطلعن يتمشن تحصل الجروب يتكون من 10 بنات فما فوق ،،
يلبسن نعال سودا وزلاق بيج وبالعكس ،،
ودي يوم واحد أتفق مع بنات جعلان وأكحل لهن بالغصب ،،
بنات الظاهرة والباطنة تقريبا نفس الشي ،،
يا ارض هدي ما عليك أدي (قدي) مدري ع شو ؟!! ،،
ما يتعبن من السوالف مثل بنات الشرقية ،، مقدر أتكلم أكثر لظروف فنية ،،
بنات مسندم أحسهن قليلات
بس اذا جلست عندهن مستحيل تفهم كلمة وحدة الا أنت وحظك ،،
ألوان ثيابهن فاتحة حتى أحس نفسي كأنه بحديقة ،،
هذي صفات الأغلبية ومب شرط كل البنات بنفس الصفات
بس مثل ما قلت أكرر الأغلبية
والسموحة ،،،، بس للفرفشة