اشكر اخوي الاسيف على الفزعة....

هذي الابيات للي يباها:

انا ماني بمندوب الشعر عن لابتي والقوم
ولكن للقبيله نخوه دقت على بابي
وانا من قبل لا يلفون خايف من كثير اللوم
اخاف عيال جابر لا يلوموني بلعتابي
واخاف ان دارت علوم الرجال وفصلو لعلوم
يقولون العرب ما وجبو بالشعر لنسابي
وعادات الجنيبي والمناهيل واللزوم لزوم
على عكس الزناتي والعداوه مع ذيابي
حشى ما دام تربطنا يالنسابه سلوم
حلفت لشفكم ولغيركم ما نوخ رجابي
سلام الله عليكم من ديار الوالد المرحوم
ابونا الشيخ زايد لي بذكره تنطر اهدابي
سلام خالص لعيال جابر فزعه المظلوم
على الشعار والي مثلهم عطرين لشنابي
يصبح على الوقن والقوع وان مسى على لحزوم
اكيد انه يوادع من على الدوله ولهضابي
سلام الله على ذكر الجنيبي والقروم قروم
عددغزوات سالم بن مهيله وفك لنشابي
ولحقه المغازي لوليه وصحكه الحلقوم
على وصف اليمامه والبسوس وعصق لرقابي
رجال وصفهم ضرب الخناير حزت المقسوم
تربى طفلهم يلعب على الخنير ومحرابي
ما هوه مثل الي يلعب على غرفانه المفطوم
متى ما في المدارس سجلو رحلات للعابي
قصايدكم عنت صوب المناهيل وعلى لخشوم
وهذا من حسن تقديركم والظن ما خابي
جمايلكم معلقه علينا وموثقه ويدوم
اخاف ان جيت ابذكرها غزر الوقت يسهابي
حشى لا ما نسينا من بلوه وعارضوه القوم
خذوه العسكر وخبره لفاف بدون لسبابي
تعرضتو لركب القافله بالمقدره وعزوم
حسبتو للنسب ولغيرها ما تحسب حسابي
ذكرنا من فعايلكم مثالين وعلى لعموم
كثير من المواقف غيرها محفوظ بكتابي
على ذكر الجنيبي والريال وطاري الشهموم
حفظنا من مواقفكم سوالف كل شوابي
متى ما دارت البرزه تناحى للسهر وحلوم
جلبها المذهب الي لا بصوفي ولا بوهابي
يفصل منها كل الجنيبي للزمان هدوم
ويستر من مذاهبها الوسيعه كل طلابي
حرار طلعها قد السماء ولا الرخوم تحوم
طبيعها ترى ندق اللحم من عقب لذيابي
وانا لا زلت في بحر المعاني غايص واعوم
واخايل شرهه العالم على المجمل وترحابي
سلام الله سلام من بياضه تنجلي لهموم
على كل القبايل واهلها عربين لنجابي
حشى لا ما نسيناهم ولكنها مسجها المختوم
على الجنابه الجهات الاربع في كل لجنابي
بلا نقصان او تقصير ما ادم النجوم نجوم
وانا امسى على مدهالها وادز مرقابي
طبيعي لي مضريها غرسها هل لشحوم
متى ما يذكر الطيب يذكر عند لطيابي
على ذكر العرب لحشام والطيب على المحشوم
عزانا في الليالي السود يوم الموت نهابي
عزانا صوبكم بيت الشريجي والقدر محتوم
من ثيابيمن الساسي من الراسي الي ثيابي
صحيح انه الحزن في صدر الحنايا دايما مكتوم
ولكن سيره الطيب تراها تفوح لو غابي
فلا نبغي على الواجب القصايد او مدح ونعوم
ترى الواجب طبيعي ما يبيله شكر يقرابي
ولكن قلبي المسكين واحد والخلايق قوم
لو ابغي اغذيبه جميع الناس عايابي
كتبت الشعر واهديته كرد وحقهم مهضوم
لكل عيال جابر وشعرراهم صفوه احبابي
واذا جاكم هزيل الشعر مني خففو الليزوم
تراني ما بلغت العد وانهل من على ليابي