نبع الغــلا عنـدك وعنـدي مصبّـه ** ومن الولا .. في خافقي لك ..ولاياات
وطيفك حطب عيني..وعيني مشبّـه ** والشوق برد(ن) ما انقطع لو للحظات
ومكانك الصدر ولـك القلـب شبّـه ** بين الظلوع اللـي فردهـا التنهـات
ولك بيرق ٍ(ن) فالقلب حبـك يهبّـه ** شامخ ولا هزه من العـذل غـارات
محبتـك فالوقـت ذا مــا تشـبّـه ** الا بخيمـة بـدو بيـن العـمـارات
ان شفتني ضايق واهوجس واسبّـه ** اخاف غدر الوقت.. والوقـت دورات
لا تحسب ان دمعي نـزل دون سبّـه ** ابكي من الفرقا وهـي مابعـد جـات
الـيـوم كــل امورنا..مستتـبّـه ** وبكره ماندري وش معه من مسرّات
يارب قلبـك مثـل قلبـي يـا ربّـه ** ما يخلفه شور العـرب والمسافـات
*الهـــم*