لقيت انا اسمه شارق(ن) في ملفي
اسم(ن) يسلي خاطر(ن) دوم ملهوف
انا اشهد انه م المزايين شفي
لو كان حظي من تلايمه مشفوف
ومن الحسايف تضرب الكف كفي
واصبح كما حرف(ن) من السطر محذوف
لا شفت انا اسمه دامع العين جفّي
من شان عيني تهتني بس بالشوف
يا عبرة الحرمان بالله كُفي
كني من دموع النواظير مكفوف
تعدادها اربع من ملافيظ حرفي
وثلاثة ارباعه على الدرب مصروف
يا لذة الخاطر وقلبي وطرفي
نظير عيني عقبك اليوم مطروف