قالوا مريضه وقلت فيني ولا فيها
ياعزة الله كيف ذاك المرض جاها
كيف الألم يدمي فواده ويدميها
ليت الألم ياناس شخص اترجاها
برجيه رجوة بخير حاله يخليـها
وان كان وده علتي قلت محلاها
لاجله بشيل العوق عنّها واراعيها
واصير من بد الخلايق أنـا دواها
لانها حبيبت الروح والقلب يغليها
ما ودي انها لحظةِ تشكـي الآها
لو كان بيدي في عيوني أداريـها
واتشيلها اجفوني وتغمض وتنساها
ياذا المرض عجل دخيلك تعديها
خل التعب لا يهد حيلها ويصلاها
ماجور يامن بالنواظر نساويـها
يالله عسى من الشر يسلم محياها