تعبت اعد الأقنعة فوجوه مافيها فرووق
متشابهه حتى وهي تسقط يميزها بريق
تعبت وأنا أزرع صدق بأفواه للكذبه تذوق
تعبت أبيعك يالحزن وألقاك تشريني رفيق
تعبت أعدل للخطأ في مشيتي كل الطروق
تعبت أكذب ع الزمن واقول انا عندي صديق
تعبت أصبر كاهلي في شيلة حمول ماتفوق
صبر آدمي ماجزع يقول أطيق وما أطيق
تعبت أفكر وأفتكر وأستوحي بفكري بروق
وأتخيل رعود الأمل تضرب واحس اني افيق
تعبت أكذب واقعي بإني من الهم مخلوق
لين أكتشفت ان العنا للي مثل حالي يليق
يا ليل يا كل التعب ماني لهدنيا أتوق
شفني رضيت بهالتعب يثقل على كاهل غريق