منتديات جعلان - عرض مشاركة واحدة



هذا غرامي سمه اللي تسميه

جنون عشق او سمه اللي بدالك

يا صاحبي ما عاد تفرق معانيه

القصد حبك والأماني وصالك

كلا ولا في شي عندي اخفيه

الحب لك والقلب عاشق دلالك

حلفت غيرك من المخاليق مابيه

ولا خطر في بالي إلا خيالك

قلبي على كفي هدية لغاليه

والقمر كله يا حبيبي حلالك

لا والذي زين جمالك وسويه

ما له طبيبا ياحبيبي بدالك

مجروح وانت اللي بيدك تداويه

يا روح روحه جعل روحه فدالك

لا تبتعد عن عاشقك لا تخليه

وحيد في دنياه وانت لحالك

العمر فاني والدقايق لياليه

لاتخسره يا صاحبي من قبالك

انا سمير الهم ليلي اقضيه

والصبر كسر كل حلما يطالك

ما غير طيفك كل لحظة اناجيه

في خلوتي واتنشده كيف حالك