الا يالهبـوب الـبـاردة عجـلـي هـبـي
على جاش مـن قامـت هواجيسـه تلوبـه
انـا مــرةٍ اصـحـى ومــره يغيـبـي
واسـرح معـا كثـر الطـواري بغيبوبـه
الا يادهـر مـا هــو بـحـقٍ تلاعـبـي
وخليتـنـي لمـقـرد الخـلـق لعبـوبـه
عـبـادٍ مغفلـهـا الـزمـان وتعجـبـي
يحسبـون قـل المـال فالرجـل عذروبـه
وانـا قانـعٍ باللـي علـي كاتبـه ربــي
ومؤمـن بمـقـدوره وقـانـع بمكتـوبـه
ولا ابغـى عمـى الاريـا برايـه يجربـي
وهو ما عرف ماجوب ربـي ومـا جوبـه
هدور المجالـس راعـي المـدح والسبـي
وهو بالخلا لـو جـاه بنـتٍ خـذت ثوبـه
يقولون لـي تـب مـن تصرفـك وتحبـي
وهي توبتي مـن مجتمعهـم هـي التوبـه
ديـار الوبـا مـن طبهـا راح متـوبـي
وقرابـة الجربـا علـى الحـول مجروبـه
انا عارفٍ منصـاي ليـا مـن بـدا نبـي
وعارف طريقـي والـذي باتجـه صوبـه
وانا اعرف من اعادي وانا اعرف من احبي
وبـه نـاس لاتعـرف ولاهـي بمحبوبـه