منتديات جعلان - عرض مشاركة واحدة



كل الحلا هذا وعادك باغيه
انا اشهد انك ياجميله طاغيه

كل الحلا هذا وتبغين المزيد
عوذي من الشيطان عقلي زاغيه

سوق الحلا ماعاد يذكر به ريال
ولا ليره ولا اجنيه ولاا ساغيه

اسبغ عليك الله جمالٍ يوسفي
قومي اشكري ربي على الاسباغيه

وخافيه في قلبٍ جروحه نزفي
من ارموشك اللي تخلج النباغيه

ارموش دعج وسود عكش وهدبي
اوقوعها بدميها ثلاغيه

والورد فالخدين مطغيه الندى
زين الطبيعه ماصبغ باصباغيه

يامن جمالك نوخ اثقال العقول
ناخو كما نوخ الجمال الراغيه

يادرة الالماس بك فكري يحير
وشلون صرتي في يدا الدباغيه

انا ادري انه جاهلاً في قيمتك
ولا اضن حتى عرفها الصواغيه

قيمتك انا عرف ولا فيه كلام
اكبر دليل الشيب في الاصداغيه

ياجوهرة قارون روفي ورحمي
غاليك لايرخصه هرج اللاغيه

يالدره اللي ما يوصفها القصيد
وكل القصايد في حلاها لاغيه

واجيك انا صاحي واروح ملتمس
وعقالي المنكوس تحت اشماغيه

__________________