بسم الله الرحمن الرحيم
السلام عليكم ورحمة الله وبركاته
أستدرجها بسم الحب ، فأستغلها بسم الحب ، فهجرها بسم الحب
لا تستبيح الجــــرح في قلب مكسور
ولا تستلذ الدمــع مـــن عيــــن طفله
واللي تباهى بسهم في صدر عصفور
قلّه أسد وأنصاد فـــــــي وسط غفله
دام الزمن دوّار والجـــــــرح بالدور
كل الطعون المقبله منـــــــك سهله
وإن كان حبك طيش ، ما فيه دستور
عيب أنتحب وأندم علــى حب مثله
للظلم قلبك ، بس ، للحـــــق جمهور
وللشر أهله ، وهـــم للخيــــر أهله
تدري وش اللي يربط الليل بالنور؟!
رب(ن) شمـل كــل المخاليق عدله
ما لمت فيك الطــيش والظلم والجور
أدري لكل ظالـــم مــــــن الله مهله
وأدري إذا من ظلمك أمسيت مقهور
ما ضاع حقــــي دام ربـــــي يظلّه
يا سالك(ن) درب الأكاذيب والزور
إسمع ، من الأعماق بهديك جمله
اللي تباهى بجرح في قلب مكسور
قلّه بيبكي يوم مــــــن طيش طفله
أحمد العلوي