في البداية حديثينا عن نفسك من هـي التفاحة؟

انسانه عاديه وبسيطه.. واحب المرح و الضحك والسوالف(واايد ارمس )
وماعرف شو بعد

هل تتبعين الموضه في أثناء تبضعكِ حتى و أن لم يناسب ذوقكِ العام ?

اتبع الموضه لكن اختار الي يناسبني ...شي اساسي اني اتبع خطوط الموضه
من حيث الالوان والتصاميم ... لكن اختار الي يناسبني!! ويلووق لي

هل تحبين الألوان الصارخه أم الهادئه في الميك أب للمناسبــــات ?

ف المناسبات احب الصارخه لكن هم بعد الالوان الي تناسبني
لازم يكون في تناسق ... وتكون لايقه عليه


ماهي الماركة المفضله لديكِ في شراء الميك أب ?

make up 4 ever و chanel

ماهي الألوان المفضله لديكِ أثناء أنتقاء الملابس ?

لا انا ماحدد لون معين!! الشي الي اشوفه حلوو.. شو ماكان لونه اخذه
يعني انا مثلا احب اللون الاحمر واايد.. لكن يوم اسير اتشرى باديات مثلا
احصل اللون الاحمر مب حلوو والالوان الثانيه احلى.. فاتجه للالوان الثانيه

ع حسب التصميم والشكل.. في بعض التصاميم تكون حلوه ف الوان
ومب حلوه ف الوان

هل مسئلة تنسيق " الملابس .. والحذاء .. والحقيبه ..
والأكسسورات " من حيث اللون والطراز مهم لديكِ
( بشكل كبير 00 ليس دائماً 00 لا تهتمي بذلك )?

هيه بشكل كبيير لازم يكون في تناسق...

مالذي يجذبكِ أكثر للقطعه الملبسيه أو الحقائب أو الحذاء هل الشكل (( الديزاين )) أم السعر ?

الديزاين مهم لكن السعر اهم!!

انا اول مادش المحل.. اشوف كل القطع.. ومثلا شي عيبني اشوف سعره..
والله طلع غالي اكثر عن اللازم ماشتريه!!

والواحد احيانا ممكن يشتري شي غالي لكن لو فعلا يستاهل الفلوس ويبين عليه انه غالي
يعني لو شي يستاهل الفلوس اشتريه.. لكن لو غالي !! ومايبين عليه انه غالي ماشتريه!!

لان في بعض المحلات اتحط قطع غاليه وهي اصلا ماتستاهل كل هالسعر!!


مانوع الكريم الذي تستخدميه لبشرتك ?

هيمالايا

أثناء خياطة ثوب لمناسبه 00 تتركِين الأمر للمصمم أو المصممه بحيث يختار الموديل المناسب للقماش ?

لااا انا الي اختار كل شي.. لان الصراحه ماحب حد يختار لي ثيابي
ممكن اخذ راي الخياطه.. لكن انا واثقه من ذووقي.. وادري انه دوم حلوو

ماهي قصة الشعر التي تعجبكِ 00 وماهي قصة شعركِ الحاليه ?

الصراحه ماشي قصه تعيبني.. بس يمكن الشعر المدرج..
وقصه شعري الحاليه.. عاديه.. ماشي قصه..!! بس مسويه غره

هل تعتني بشعركِ بإستخدام زيوت خاصة أو غيرها وماهي ?

احط زيت.. زيت فاتيكا" او باراشوت" او اي زيت احصله ماحط نوع محدد


هل ترغبين في تغيير لون شعرك بين الحين والأخر ?? وماهو لون الصبغه المفضل ?
وماهو لون شعرك الحالي ?


لااا مارح اغير لون شعري ومافكر اني اغيره!! اصلا ابد ماشفت وحده صابغه شعرها وطلع حلوو عليها!!
لان الله خلق كل واحد وشعره لايق عليه!!

وماشي احلى من الشعر اسود.. وانا ابد ماصبغت شعري من انولدت للحين
وان شااءالله مارح اصبغه الا اذا شيبت بصبغه الصبغه الهنديه مال الشعر الابيض..


هل تميلي الى الشعر المموج أم الشعر الأنسيابي في تسريحه ?

الانسابي اكييد..


هل يهمكِ في المناسبات أن تكوني ملكة الحفل وتذهلي الحضور بـ أناقتكِ وجمالك ?

اكييد..

ما هو الاكسسوار الذي لا تستغنين عنه في كل مناسبه??

ماشي محدد.. لان كل مناسبه لها شي مختلف..

ما هو عطرك المفضل?

افضل عطر عندي"دهن العود" والعطور العربيه بصفه عامه..
وماحب العطور الفرنسيه!!

ما هو العطر الذي تستخدمينه حاليا?

دهن العود... لكن بس احطه ف البيت.. حرام اطلع متعطره والواحد ماناقص ذنوب

من هو مصممك المفضل?

محد... لان كل مصمم يكون يبا يسوي شي غريب!! ويضل يخترع اشيا
واصلا مستحيل حد يلبس هالتصاميم..

وليد عطاالله احيانا يصمم اشيا حلوة.. بس بصفه عامه محد يعجبني!!

هل تفضلين الملابس الرسميه او السبورت?

السبورت

ماهي صفات المرأة العربيه بنظرك?

مدري... بس لكل مرآه صفات غير


هل انتى شخصيه مرتبه?

ههههه لا

ماذا تفضلين المستحضرات التجميليه ام المواد الطبيعيه للبشرة?

المواد الطبيعيه اكيد افضل..لانها ماتضر البشره.. وتفيديها وايد

من هي الشخصية المشهوره التي تجذبك أناقتها ?

زينب العسكري..

ممـكن تحطين لنا أي فستان أو تايور أو ... حسب ذوقـــك .. من أي موقـــع ..
المهم يكون مناسب لك ولذوقـك ..

اوك..




وهذا



وهذا