هلا وغلا
كيف الحال
اعجبتني هالقصيده ونقلتها لكم
اهديها اهداء خاص جداااااااااااااااااااا اا لحبيب جلبي ابوي الغالي
ولكل ابو يحب عياله
يابووي جعلك للبقا والمكااسيب
عمري بدوونكـ يالذرا وشأبي به .!!
يابوي تسأل عـن شفـاك المراقيـب
طلعـة سواتـك للنّوايـف غريـبـه
ليه المرض مايعرف الزّين والعيـب ؟
مايـدري انـك للمخاليـق هيبـه !!
وش بك تحاتي لا نوى الموت تغريب ..
تخشى عليناالليالي [الكئيبـــه]
خذ دلتـك .. واركي علي مسند الجيــب ،،
وعطني[شماغك] بلثمه واحتمى به
ونروح لارض بها العشب والطيب !
وتسمع كلام [يالغلا] تحتفى فيه
يابــوى بنتك لا نحكي بالتــجاريب
كل يشهق لهيبها لصيت جيبه ..!!
يابوي ماني من سـوات المخاريـب
اللّـي تجيـب لعليَـةالقـوم خيبـه
وماني من اللّي لامشت حفّها الرّيـب
أنـا مـن اللّي مايدنّـس جميله ..
مرفوع شاني عـن غـرام المكاتيـب
وأكبر من انّنـي أرتضـي بالحبيبـه
أنـا غرامـي لاابتـدوا بالتّراحـيـب
نفوس الأوادم فـي وجـود يرحيبـه
وان كان [زينـــي] فتنة للمصاويب
احط وجهــي بالحريق ولهيبه
زينــي ابيعـه واشـترى سمـعة الطــيب
اســم ينومس بالصـروح الذهـــــيبه
وان كان عندي ( بالحلا) شي ٍ اصعيب
عنـدي جـدود ٍ مارضـت بالغليبـه
دموع القبايـل فـي لقانـا مساكيـب
كـن المقابـر لاحضـرنـا قريـبـه
خضّبت لك كفّي من العـز تخضيـب
ورفعـت راسـي للنّجـوم الصّعيبـه
والله لأسـدّك بالفعـول المصالـيـب
والله لأشيلك بالرخـاوالمصيـبـه
طلع المعالـي ماانحكـم للشّواريـب
بنت ٍ وأناطح فـارس القـوم طيبـه
وياابووووي ابشـر لو تدور الدواليب
بنــــــتك لمن عوى الذيب [ذيبه] ..!!
شو رايكم اكيد حلو صح