إذا زعلتي ياشقا نفس تغليج
ليتج عن اللي يعصر الجبد تدرين
واذا رضيتي يرضى الله اراضيج
احس كل الناس برضاج راضين
ماحد بقلبي في غلاتج يساويج
يامن على كل المخاليج تغلين
بس قولي انتي جيف اسوي وانا ارضيج
لو عين يفدنج عن العين عينين
يامن إذا بين الملا حل طاريج
تستبشر بقلبي جميع الشرايين
لو تزعلي حرات قلبي تناديج
تكفين لاتقسين تكفين .. تكفين
لاطاب جرحي .. جان جرحي يسليج
لكني ادري في جروحي تحسين
ضاقت علي الارض ربي يخليج
.. احبس انفاس الالم بين ضلعين
ماظني اخطي بج واذا خطيت لبيج
امرج على نفسي وروحي تمونين
العذر طبعج والسماحة مباديج
والصفح اصلج والعفو جان تعذين
الهبوب و النسمة
سامر ويجذبني الهوى محلا الهبوب والناسمه
ياصاحبي طال النوى يحلا الورود الباسمه
قلبن من البعد انكوى طيفك بيوفه راسمه
انته الدوا ولا لك دوا والي حكم من حاكمه
قلبي من الهجر ارتوى فيض الهموم متلازمه
ايذوب من كثر الجوى منت ابها متقاسمه
واشوف قطعانك ضوى وصلت نقطه حاسمه
يا تصونني قدر الهوى او تبتعد عن ناسمه
ياهل اليولهـ .. ميحد حمد
( أغنية الميدان 3 )
ياهل اليوله فوق شلوله
فخر الأجيال تشهد فعوله
شيخنا محمد كالفجر عمد
عقله النير ماحــد يطوله
يحتضن دانه حسن فتانه
مالها مضاهي دانة الدوله
بحرها صافي وبرها وافي
شعبها كلـه يتبع قولــه
دار الأكرام مجدها سامي
كل من ياها صابه ذهوله
يبتهر فيها فـي مبانيها
كيف سواها غير معقوله
( أغنية الميدان 3 )
ياهل اليوله فوق شلوله
فخر الأجيال تشهد فعوله
شيخنا محمد كالفجر عمد
عقله النير ماحــد يطوله
يحتضن دانه حسن فتانه
مالها مضاهي دانة الدوله
بحرها صافي وبرها وافي
شعبها كلـه يتبع قولــه
دار الأكرام مجدها سامي
كل من ياها صابه ذهوله
يبتهر فيها فـي مبانيها
كيف سواها غير معقوله
صيفها بارد ونهرها وارد
من رواسيها يسقي سهوله
دار بو راشد حفلها حاشد
في مغانيها صوله وجوله
صيفها بارد ونهرها وارد
من رواسيها يسقي سهوله
دار بو راشد حفلها حاشد
في مغانيها صوله وجوله
[فـنـون الـ غ ـدر}
كلمات : سمو الشيخ حمدان بن محمد بن راشد آل مكتوم .. حفظه الله
الحان : فايز السعيد
لا تتصل لي ولا ترسل لي حروفك ..
مابا سوى تمسح ارقامي من اللسته ..
عجزت اداريك و امشي رغبة شفوفك ..
ما فيه درب لكسب لرضاك ما دسته ..
عقب الخيانه تجيني تشرح ظروفك ..
انت الذي حبنا تحت القدم دسته ..
جملت كراسة التعبير بوصوفك ..
لا و حسافه قصيد ٍ فيك كرسته ..
ابعد بطيفك عيوني ما تبي شوفك ..
تراك جرح الخفوق بجد لامسته ..
لو كان بعض الخيانه ساكن بجوفك ..
عذرت قلبي و عاطفته وسوسته ..
صحيح انا كنت احبك و اعشق طيوفك ..
و ان جيت قلبي بغربة هم ونسته ..
ان رحت يا صاحبي كملت معروفك ..
شجعت قلبي على بعدك و حمسته ..
لا يا زمن ماني بناقص من صدوفك ..
وش عاد باقي معي يا وقت ما حزته ..
يا قلب لا تنحـنـي لأحد ٍ وانا اشوفك ..
وش لك في بنت ٍ فنون الغدر دارسته ..
عدلك و ميلك تساوت والسبب خوفك ..
من واقع ٍ يكشف اللي فيه مارسته ..
والله لأخليك عقبي تصفق كفوفك ..
و اشرّب اللي تغطرس كاس غطرسته ..
بوقفك في طريق الغدر و اطوفك ..
دام الغدر هو هواك اللي تنفسته ..
بس انتظر لا تناظر لحظة وقوفك ..
اخاف اضعف و ارد اسمك على اللسته ..