اولا الشكر لك وهذا الطرح المميز ..
ثانيا يا عزيزتي المشكلة باعتقادي سببها الفراغ وأيضا التقليد .....
اولا الفراغ تجدي الشاب مثلا انه يحب هذي ويكلمها ويمثل عليها الحب .. و لما يحس انه مل ...
يروح حق غيرها( هذا اذا ما خلاها وكلم غيرها بنفس الوقت اللي يكلمها فيه)...
ثانيا التقليد وهذا اللي يصير اكثر شي....
اتشوف البنت صديقتها كل ساعة تجلس تخبرها عن حبيبها ....
او تقولها ( اليوم بشوووفه....ولا شوووووووفي حبيبي يابلي ويا بلي وعطاني اليوم ورده ههههه)
ومن هالسوالف يعني وبعض البنات للاسف عندهن سذاجه بالفطره على طول ماتصدق
خبر .. وتقول في نفسها ( انا بعد ابي اصير مثلها عندي قصص و انسان يحبني ويعطيني ويقولي اني حلوه )
انزين خلصنا الحين من الفراغ والتقليد .. فيه امر آخر أنه هناك شباب يحبو حب هوايه !
كيف بقولك .. مثلا انا اعرف واحد من الشباب يغير البنت مثل ما يغير تلفونه
( كل شهر مرة.. هذا اذا ما صار موسم وغيرها بالشهر مرتين ولا ثلاث) .
ومثل هذا النوع من العلاقات مانتقدر نسميها حب وتفشل على طول .. ومن أسباب فشلها
عدم الجدية.......لانه كل اللي يعملون مثل ها الحركات يبتدون بسن صغير ( المراهقة) ..
وبهذا لوقت من النادر نادر جدا ما تلقى واحد من الشباب حياته العاطفية تتم على بنت وحده بس...
لانه المراهق يكون بمرحلة اكتشاف... فيجرب ويشوف... علشان كـــذا وايد علاقات تسمى حب نفشل بسرعه ...
لانها مجرد وسيلة لدخول عالم النضج .. يعني " يحب يشوف نفسه مع البنات "
علشان كذا تجده غير جدي في علاقته .. والواجب على البنت ان لا تستعجل في ما يسمى حب ..
لأن الامر مضاره اكثر بالنسبة للفتاه اكثر من الشاب .. وعوار قلب .. وسمعه سيئة..والفتــــــــــــــــــــــــــــــــاة بتكون هي الضحية لانه الشاب مايعيبه شي يعني حامل عيبه معه بس البنت لا .
انا لا أريد هنا أن احكم على ان جميع علاقات الحب مصيرها الفشل ..
ولكن قد يكون هناك استثناء وان يتوج هذا الحب بالزواج ..
الف تحية وشكر لك عزيزي " عنيدة بكيفي " ...
وانشالله نشوف مواضيعك القادمة بنفس قوة هالموضوع .