~ نــور لنــدن ~
الشاعر / لطام
الحان + غناء / ميحد حمد
قل تم يانور لندن وادعس ضروفك ، ولاتناسى الوعد والصدق واطروقه
يانور دنياي جاعت عيني لـ شوفك ، والقلب ضامي وصل والكبد محروقه
حان الوعد لاتلكمني على خوفك ، والقلب ينبض وله حد تنشد عروقه
في غيبتك كل يوم اقابل طيوفك ، واطالب طيوفك بـ قلبي و بـ حقوقه
قل تم ويتم في مغليك معروفك ، قل تم واسمع لذيذ الشعر وطروقه
ابغي كفوفي تذوق الملح بـ كفوفك ، واتشوف عيني شعاع العين وبروقه
شفني من الغيم جيت ادور شفوفك ، والعهد عهدن عليه اموت مابوقه
هواي ذرب ومرامي حبك وشوفك ، ولولاك سوق الهوى ما دجت في سوقه