اكتب بالقصيـده بصفنـة اللهفـان
اكتب بالقصيـده بصفنـة اللهفـان
وألوي بضامـري وي لفظـة الجملـه
يبگة امكابـري چن لسعـة الملـدوغ
احملهـا برهاتـي وناكـر الفشـلـه
اويه دموعي التكّت أبحسـرة المالـوم
ضيج الضيـج گوه اتحملـه ابحملـه
اضحك والضحك ضحكة امل چذاب
تغـرز بالثنايـا السهـم واتكتـلـه
گلي اشعوگك يالچنت (چيل وروز)
وبخاطـر حـزن بالطـارف اتصدلـه
عميه وبالظلع تفركهـه حـد حديـن
تنكـث بالوريـد وللدمـه اتهـدلـه
اشمالك يالخذاك الـروج عنـي ابعيـد
سِدّك چنت ترخـي أبفيتّـي الگذلـه
منهو الفرهداك وچنت حزمـة طيـب
صرت اويه الوكت گاع ايبست محله؟؟
تعال وريع عمري امناحر اوية الضيـم
ارگد ؟؟لاچذب مــاارگد وأبـلـه
حتـى اللـي بچاك بدمعـة الحسـره
تنسـاه بجمـر حـراگ وتهمـلـه
ريضهه بعفه يل مـا الـك خسـران
رد اويـه القصيـده ومايلـي اتعدلـه
فيّضهه بغديرك واروي حـد اضمـاي
يالمايـك نبـع وايعـانگ الدهـلـه
تعال اعلـة المحنّـه وركضـة المحتـام
سيف اخلافك بصدري انفرك نصلهـه
|