36_3_11[1].36_15_5[1]


تحبني ولاتحب الدراهم....اختار لك وحده علشان ما اضيع
علاقة ما تنبني بالتفاهم ...حتى تحت نور القمر يمكن تميع
ترى هل الحب الحقيقي تراهم...مشجعين احساسهم دون تشجيع
صغيرهم يدري بقيمة غلاهم..لايمكن تحصله معروض للبيع
مزروع في قلبي غلاهم ...وعساهم فدوى لبستانك وحصد المزاريع
مداك ما يشبه في عيني مداهم...يا ظبي ياللي مرتعك في المرابيع
اذا زماني ما نصفني واذا هم...يبغونني انفر دموع التواديع
للحين بعده ما وصل مستواهم...المستوى شقر الحرار المباليع
صغار وعيوني لايمكن تراهم..ما هي تشوف الا النجوم المماليع
البحروالا الموت انا كلاهم...اغرقهم واحذفهم ليابس الريع
الا اذا شفتك معاهمنساهم...كانك تقطع قلب مغليك تقطيع
لك محتوى يطغى على محتواهم..ويزيدني شوق ومحبه وتلويع
انت القمر والشمس والا حداهم...انت الورود اليانعه والينابيع
اهل الحروب تجر لاجلك حداهم...واهل الطرب تعزف لك اللحن تنويع
والاتقياء موحديننا دعاهم..ويحفظك ربي من عيون المقاليع
فرع وعلم هالبنات شبلاهم...احبابك الموتى يا سيد المفاريع
في ارضهم جنه ..نجم في سماهم...اذاعة اهل الحسن وصوفك تذيع
من دون ما تطلع تراك حلاهم ...واذا طلعت تصدع الناس تصديع
لكن لاتبعد بفكرك معاهم...لا الوصل يشرونه ولا الشوق للبيع
لو كل حاجه تنشرا بالدراهم...كان اشتريت العمر قدام ما يضيع