انويت في صدك وعزمت المسير
تـاركٍ خلـك يعانـي بالليـال
يشكي فراقك ينـوح ويستجيـر
ولاطرا بك ود ولا جاك بخيـال
ماعطيته في الهوا حق العشيـر
ولاسمحت بزلته وقت الظـلال
في معاناته يصيـح ويستشيـر
يطلب المسعف ولاله من مطـال
شوف حاله مرتخي جنه كسيـر
يصفق بكفه يميـنٍ مـع شمـال
لويجيك الوقـت عنـك بايسيـر
مايدوم الشي فـي كفـك حـلال
مثل حلوك في مشيبك يستديـر
مايطوف العمر كله فـي جمـال