من زود حبك عّلقت لك يالغضي صوره
وبروزتها بضلعين وثالث الأضلاع قلبي
خطيتها بدمي فوسط العين محفـــوره
خايف مريض النفس يدري بحبك وحبي
أحس القلب يمّك دايم زايد شعـــــــوره
إحساس ينبض من الأعماق من دمّي
مدري ؟ ابتليت بعشق بدون الصوت والصوره
ولاّ جنون(ن) بدا في آخر شبــــــــــابي
أهيم بفكري وسارح أدور جملة ســــــــطوره
بين رف ودرج وبين قرطاسي وكتبي
حلّفت قلبي ،، على الآيات والسوره
يصون السر مهما كانت عــــــــــيوبي !!!
هذا شعوري وشلون قلبك شعوره؟؟؟
صــــــــارحني وريّحني.... بربّك وربي
أبي كلمة .. نعم ! ولا!.. وا أقول مشكـوره
بدون الزعل , أول وآخر ....... مطلبي