هذي القصيده من اقرب القصايد لي واتمنى انها تعجبكم
يا بوي جعلك للبقا والمكاسيب
عمري بدونك يا لذرا ويش ابي به
يا بوي تسال عن شفاك المراقيب
طلعة سواتك للنوايف غريبه
ليه المرض ما يعرف الزين والعيب
ما يدري انك للمخاليق هيبه
ابسألك وش به غزا وجهك الشيب
والقلب لايع والنواظر شحيبه
وش بك تحاتي لا نوى الموت تغريب
تخشى علينا بالليالي الكئيبه
خذ دلتك واركى على مسند الجيب
وعطني شماغك بلثمه واحتمي به
ونروح لارض بها العشب والطيب
وتسمع كلام يا الغلا تحتفي به
يا بوي بنتك لا انحكى بالتجاريب
كل يشق لهيبه الصيت جيبه
يا بوي ماني من سوات المخاريب
اللي تجيب لعلية القوم خيبه
وماني من اللي لا مشت حفها الريب
انا من اللي ما يدنس حليبه
مرفوع شاني عن غرام المكاتيب
واكبر من انني ارتضي بالحبيبه
انا غرامي لا ابتدوا بالتراحيب
نفوس الاوادم في وجودي رحيبه
وان كان زيني فتنه للمصاويب
احط وجهي في الحريق ولهيبه
زيني ابيعه واشتري سمعة الطيب
اسم ينومس بالصروح الذهبيه
وان كان عندي بالحلا شي اصعيب
عندي جدود ما رضت بالغليبه
دموع القبايل في لقانا مساكيب
كن المقابر لا حضرنا قريبه
خضبت لك كفي من العز تخضيب
ورفعت راسي للنجوم الصعيبه
والله لا سدك بالفعول المصاليب
والله لا شيلك بالرخا والمصيبه
طلع المعالي ما انحكم للشواريب
بنت واناطح فارس القوم طيبه
ويا شيخي ابشر لو تدور الدواليب
بنتك الا منه عوى الذيب ذيبه
اذا خانتك الرجوله ساعة الخوف لبسني الشماغ وابشر بعزك
وسلاااااااااااااااااااااااااااااااااامتكم