يا عاشقين الهم...عيشوا الفرح ولو يوم
الدنيا ما تسوى...ذرة زعل أو لوم
الدنيا ما تحلى...لما الأمل يبقى
دايم مع القلوب...كنز(ن) وما يفنى
عمر الفرح لحظة...لحظة وما تنعاد
واللي مضى خله...وإنسى الزعل ولو زاد
الهم وين الهم...شي(ن) يهد الحيل
عمره ما فاد بشيء...غير الشقى والويل
لا تهمك الآهات...واكبر على العثرات
لا تغلبك دمعة...تقسى على العزمات
عمر الحزن ما يتم...والفرح لك مكتوب
والعمر فيه كم يوم...والوقت ذا مسلوب