وش عليه اندم
يوم جاء من الباب ريح
قلبي ماسدّه عشان استريح
ليتني ريحت نفسي من البداية
ومامشى المركب بعكس الريح
وش يفيد اليوم لو اني ندمت
من يحس بالجرح غيرك يالجريح
من يعرف المر غير اللي يذوقه
وفي النهاية مايصح الا الصحيح
حبي الصادق معك بدلت غيره
ضاع كل الود والقول الصريح
وراح كل الشوق في شره وخيره
من عقب ماكنت لك وافي نصيح
الخيانة ذقتها بعد المودة
والمذمة شفتها عقب المديح
طوّعت لك قلبي وحطيتك بعيني
وشلتك وانت ف فراشك طريح
وش عليه اندم وانا نفسي عزيزة
والله اني صرت عقبك مستريح
لاتفكر اني مابلقى بدالك
انت نقطة وسط هالكون الفسيح
لاتظن اني بلاذكراك هالك
ولا تظن اني من فراقك اصيح