هذي قصيده سمعتها وعجبتني واييييييييييييييييييييد
ثلاث سنين انا اخطط لهذا اليوم يا بوسعود تيسر حالي وجاهز اوفي وعدي بوقته
وفجأه جتني تتعذر تقول تأخرت الوعود وانا مستغرب واسمع كأني وعدها خنته
ححسبت انها تمازحني وتتصنع جفا وصدود ضحكت فوجهها من قلب مع انها بايخه النكته
وقالت ارضى بالواقع قلبي ما هو المعبود تغير كل شي صوبك سيدي ماأظن بيوم انته
كنت محبوبي ولكن ماأظن نعود وصل من قبل ما توصل وانا ذاك الصبر عفته
ولكن تتكفى صدقني ويشهد ربي المعبود ترا ماخنتك بغفله ولاكلنته وشفته
ابصراحه اهلي قالولي بنه ولد اصل وجود وجتني امه بالصوره وكلمات المدح اخنه
سكت وقت لي فرصه مادام الجود بالماجود وقالوا كل من حولي علامات الرضى سكته
وانا فكرت دام امه واخته ما عليهم زود اكيد اني براضيهم اذا وافقت واخترته
وبراضي اهلي واخواني مدام انه الفرح مقصود عطيت الناس انا كلنه ومعاهم وقت حددته
ولا اقدر اغيرها ترا عند العرب منقود اوافق واعتذر باجر واقول الراي غيرته
تبي تشرحلي المنقود تصدق عاد يابو سعود تبيني اقتنع وارضى بحالن عمري ما عشته
انا ماني بقايلها عسى يفرش ثراها ورود بعد ما حطمت فلبي وطعم الموت جربته
عسى بفستانها اشواك وبثوبه عقارب سود ونار تحرق الكوشه وتحرق بيتهم حتى
وموت بليلة الدخله يبرد حرتي ياكود ولا احس انه بحضنه يلامس خد لامسته
علي اهون اذا ماتو ولا بنفس السرير رقود ترا صعب علي اتخيل اللي ما تخيلته
عسى قاع الثرى يقسى ويتحول صخر جلمود وحفار القبر يرفض يسوي فوق مقدرته
ترا دفنة عديم الذات تلوع حتى جبد الدود ومن خان العهود ومات تعافه حتى مقبرته
عسى ربي يجازيهم بحبل من مسد ممدود يعلهم من اطرافهوفوقه نار وتحته
انا ماني حقود وشين ولاني من نسل نمرود ومن حط نفسه بوضعي يقول اللي انا قلته
مادام الفعل له ردة فعل ولا ابشري بردود بدعي دامني حي وبغرس للدعا نبته
وبسيقيها نزيف القلب ودمعن مارحمت خدود وتكبر والثمر ثاري من اللي خانني وصنته
انا نذر علي اكتب وافجر هالقصيد رعود واسمع كل البشر صوتي عجبته ولا زعلته
واردد للي يسمعني اذا حبيت حط حدود انا حبيت دون حدود وشوف اللي انا تكبدته
ثلاث سنين انا ابني وجت صوره بكل برود خذت مني شقى عمري وحلمن كل حققته
ثلاث سنين انا اخطط لهذا اليوم يابوسعود توافق من كلام اخته وصوره اربعه في سته
عسى تعجبكم