الله يثبّت مقامك ويفرشـــــــلك من الورد الندي
ويحفظك ربي من عذاب القـــبر يوم الممــــات
هذي دعوتي ف للصلاة لضــاج بي جهــــــدي
ودار بي الفـكر وعرفت انه كل شيء فـــــــات
في غيابك هانت لي الارض وتهت وحـــــــدي
وحس المصايب لاقبلت فيني تجيني مرســلات
والبيت يلّي هجرتيه صــــار يحن ويحـــــــدي
عرف أنه فقد في مسكنه عظيمـــة الصـــــفات
ياأمي ترى الأيام من بعدك خذت جســـــــــدي
وأنهشت عظامي نهش مثل نهش المفرســــات
أحس كأنّي طفل صغيرفي بداية مهــــــــــــدي
من بكاي ألازم فراشي حيل وأكتم العــــــبرات
حالي يقول متى أتباها بشوفتك يا سعــــــدي
لأنه حا لي يا أمي يعـــيش في دنيا المتــــاهات
ياأعظم نداء لانمت يوقضني من مرجـــــــدي
قوم قوم يا راشد أذن الفجر وحانة الصـــــــلاة
ولاغبت وطوّلت في المغيب قلتي ياولــــــدي
غداءك لاظمّيته أظمه بين ضلوعي المترفـــات
قلت هذا ماهو غريب عنك يابعد بعـــــــــــدي
وعسى الله يطوّل في عمرك وعمرالمـــسلمات
من كثر شوقي على قبرك ينحني جســــــــدي
ومن كثر يتمي يا بعد عيني تذرف مــــد معات
وقول عسى المصايب لاجت فيني تعـــــــــدي
مالي غيرك أرتجيك يارب الارض و السمــــوات
مرثية الأم منقول من روايع قصايد(الشاعر راشد السعيدي)