يا مدلعـه حنـا بـدو هاماتنـا مثـل iiالنخيـل
دايـم ابيـه شامخـه متنحنـي يـا مدلعـه ii!!

الله زرع بصدورنـا نبـع المبـادي iiسلسبـيـل
لا شحت يدين البخيـل حنـا يدينـا تزرعـه ii!!

ابيوتنا لا هل الوفـا والطيـب ميـدان iiودخيـل
ما نقبل انصاف الحلول لو صار فيهـا معمعـه ii!

انفوسنا مـن عزهـا تعشـق دروب المستحيـل
واجسادنا سفن الغلا لو خانة الريح اشرعـه ii!!

ورواحنا من طيبها مثل البـرد مـا لـه iiمثيـل
اعذب من حساس القصيد اللي قريت وتسمعه ii!!

وبشفاهنـا حلـو اللمـى لا مـن تكلمنـا يسيـل
يسقي ضما ضيم الرجال اللي تعيش iiالزعزعـه!
ما نحسب حساب العطاء لا مـن كثيـر ولا قليـل
ون وصلت دروب الوزاء نعطي حدينا من سعه !!

ما نعرف الا ها الدروب البيض منـزال iiومقيـل
الله خلق فينـا البهـا والجـود حنـا منبعـه ii!!

لا يخدعك هـرج الحسـد ولا ملامـات iiالبخيـل
حنا مثل شمس الضحى والنور محـدٍ iiيمنعـه!!

يا مدلعه هذا الجريـح اللـي تشوفينـه iiنحيـل
ماجرحه غير الغرام اللـي خفوقـه يجرعـه ii!!

شاعر من حساس الشفق وانتي مثل شمس الاصيل
ومن بينكم قلبي انا ممكن يلاقـي مصرعـه ii!!؟

هذا وانا صادق معك يا ثقلـت الرمـش الطويـل
انكر وجودي الصديـق اللـي مكانـي يرفعـه ii!

يا مدلعه حنـا بـدو والله علـى خلقـه iiوكيـل
واللي يذم اهـل الوفـا الله حسيبـه يقلعـه ii!!