مستعد اخسر حياتي بس ما شوفك حزينه
 

هذه قصيدة قيلت في أغلى أمرءه خلقها الله لك بل لن تدخل الجنه ألا من تحت قدميها فهل عرفتها؟

أمك

آه يمّه والكلام يضيع في حضرتك يمّه

والثمينه عند طيبك؛شفتها ما هي ثمينه

وكل قمة عند راسك لا حشى ما هي بـ قمّه

يـ الله انّك لا تهين الراس يـ الله لا تهينه

ودّي آحكي عن غلاك وخايف أني ما أتمه

فيك يمّه ما يتم القول لو طالت سنينه

ما يوفّي لو ألمّه وانثره وارجع ألمّه

الشعور المنتثر بالأرض يا أرض السكينه

من نسم صدرك يضيع الورد يوم أني أشمه

آه يمّه من نسمك البادية تصبح مدينه

آه يمّه كل جرحٍ بالحشا ما شلت همّه

خابر انّك تجرحين الجرح دوني تجرحينه

آه يمّه بس أنا في خاطري حاجة مهمّه

أوعديني دمعك اللي فوق خدك تمسحينه

اتركي همّك ونا همّك على صدري بضمّه

مستعد اخسر حياتي بس ما شوفك حزينه

لاحظي قرب المسافة بين شرياني ودمّه

قلبك اقرب منّها للقلب؛ يومك تلمسينه

كيف؟ ما حبك ونا اللي كل ماقلت آه يمّه

تركضين بلا شعور وجرح قلبي تجبرينه

===========================

معـ خالصـ حبيـ ............

صح لسانك شاعرنا
وسلمت يدااااااك
ومافي اغلى من الام

تسلم يمينك اختي ع المرور
ريم السلطنه

أشكرك أخوي الهاجس كلمات رائعه بحق الأم وفعلا مهما عبرنا ما راح نوفيها

مشكور اخي الهاجس والام تستاهل هالكلمات الجميله ومهما قلنا فيها فلن نرد لهاجزء ما اعطتنا من حنان

فعلا
شاكر لكم مروركم جميعا

انا احب الشعر بصراحه شعرك يدش على طول داخل القاب شكرا على هذا الحس الرائع

تشكر
arwasss
ع المرور الجمييييييل

يعطيك ألف عافيه ع الجصيده