رساله
 

ابي تقراء الرساله واقترح توضع لها عنوان
"رحل قلبي ولكن لم يعد" واظنّ هو عندك

من البارح وأنا خايف يعيش بداخل القضبان
بعد ما شالوا جنحانه وغدا ماسور من بَعدك

وقلت اكتب رساله لك بصيغة أنّي غضبان
بمبدأ لا رخا خلك تعاكس جزره بمدّك

حبيبي اما بعد،
اللي حصل منك أنا زعلان
ولك يومين تتغير قبل ما خون في وعدك

لاني شبت في صغري ولي في غيبتك شهران
ولي جثه بلا قلبٍ ولي قصه ومواعيدك

وكذبه صادقه فيني وسهر ليلٍ وأنا تعبان
ولي حبّ ومشاعر شلتهم لجلك الِك وحدك

نعم ما ذاقهم غيرك فيومٍ جيتني جوعان
ولي ايام من عمري وراحت في شقى سعدك

ولي ضحكه وحلم وردي ولعبه في فنا البستان
ولي دبدوب اهديته الك في عيد ميلادك

ولي اشياء كثيره ليت ضمت بينها أحزان
ابي ترجع اذا بعدك بتاخذ وقت في صدّك

وابي تكتب بها جمله تبرر فعلتك يفلان
قبل مقتل بها صمتي لان الصمت ما فادك

وأنا أحسب معاناتي ودونها على الجدران
خطوط وخارطه ورسوم تشكي من قسى بردك

تصور من كتاباتي ذبل وأنهدت الاركان
تصور ما بقت الا بقايا وموقفت ضدّك

دخيلك تفتحي صدري وتبحث عن وجود أنسان
لتلقي ذبلت أضلوعه فداكي يلتمس ودّك

حبيبي والسفر غربه وأنا ساكن بلا أوطان
تعالي نحسب الباقي عمر وتجدّدي عهدك

أنا ملوني أصحابي كثر ما قلت ما خوان
وانا عارف بأن الشوق هد حيلي ولا هدّك

عسى ترجع من الغيبه وأضمك حيلّ بالاحضان
تقولي ما ابي غيرك وأيدي ماسكه أيدك

وأنا أبكي من الفرحه ودمعي بلّل الفستان
ودمعك بلّل أثيابي وخدي يلمسه خدّك

وكلّن يشكي الثاني ويحلف وش كثر ولهان
وقولك من بعد ضمّك أبنسى كل شي بُعدك

وابنسى صورة احزاني وأنا عايش
وراء القضبان
بعد ما شالوا جنحاني فيومٍ ابتدا بَعدك

ابي تقراء الرساله واقترح توضع لها عنوان
"رحل قلبي ولكن لم يعد"
واظنّ هو عندك

مشكور اخوي على هالقصيده الروعه ماقصرت

اشكرك اخي الزعيم على هذه الرساله الرائعه

مشكور اخوي على هذا الاهداء

وبالتوفيق ان شاء الله

تسلم اخي على هذه الرساله الجميله

تسلم اخي على هذه الرساله الرهيبه


واقترح تسميها


انا وقلبي والقضبان

تسلم اخوووووووي
على الكلمات الرائعه
وما عليك قصووووور

روعة

من جد روعة


تسلم

مشكوورييين اخووواني على مروووركم الراائع.

يعطيك العافيه اخوي ع الكلام الرائع والجميل