عيايز وشيوبة اخر زمن
 

الــــــــشــــــــيـــــــــبـــــــــه:

قلبي شباب ولازم اني اعرس.....مابي العجوز اللي توسـد علـى البـاب

الخـــير وايـــد وماني مفلس.......عنـدي فلـوس تدعـم البنـك فـي حسـاااب



الــــــــــعـــــــــــجـــــــــــوووز:

ماباقي منك غير خشمك وهالضرس....... تبغى تعرس وانت غادي شالغراب

قابل صلاتك الله يشفــيك من المس.........ولا تـرى باطـب ويهـك بالتـرااااب



الــــــــشــــــــيـــــــــبـــــــــه:

انتي عجوز واكلك الروب والخس........اماا انا ماكـل سـوى تكـه وكبـاب

مافيني سكر غير ضغطي نازل بس......دام الهوى فيني ترى كل شي طاااب



الــــــــــعـــــــــــجـــــــــــوووز:

لا بارك الله فيك يالشيبه يالنحس.......ماتجيبك الرمسه ولا يجيبـك اعتـاب

قصر لي صوتك ماابي اسمع ولا حس.....عطني طلاقي وانقلع وقبض الباب



الــــــــشــــــــيـــــــــبـــــــــه:

دومك نحيسه وذا لسانك يبيله قص....... ربي ترى حلل لي اربـع بالكتـاب

هذا خميس الاعمى ياكم عرس........مرتـاح بالدنيـا بـلا هـم واعتـاااب



الــــــــــعـــــــــــجـــــــــــوووز:

بطران وراسك كالصخر يابس وعص....... مالوم طبعك يوم ربعك هالكلاااب

غادي شرا الاريل ودومك تتحيس......... استح على ويهك اصلـع ولعـااااب



الــــــــشــــــــيـــــــــبـــــــــه:

فكيني من ويهك ترى مالي اي نفس....... زهقان من شوفك وابقالي احبـاب

هذا طلاقك طالقه اربع وخمس.......... شلي طلاقك من ضميري بـلا حسـااب



الــــــــــعـــــــــــجـــــــــــوووز:

مشكور يالشيبه ومن دون اي دس... .....عندي حبيب ماابتعد لحظـه وغـاب

يشريك ويبيعك تراه باثمن وبخس... .....ماتسوى ظفره حلو اسمـر وجـذااب



الــــــــشــــــــيـــــــــبـــــــــه:

يالله قبل لا اموت منك وقتص... .....طلعتيلي قـرنٍِ وراسـي بعـد شـااااب

ياشينه البرقع ترى قدرك اختس....... عجوز لك في الدنيا خلان واحبـاب؟!



الــــــــــعـــــــــــجـــــــــــوووز:

مثلك تراني وهذا لك في العمر درس........ لاني اميز بين شيبـه وشيـاااب

ولا نسيت اني على الموضه اللبس..........ماعلموك اني بلا شيلـه وحجـااااب


ان شاء الله اعجبتـكم

تلسلمين الطيبه

اللة يسلمك غزال جعلان

الله يسلمك ومشكور اخوي عالمرور

كل الحريم مب سهلات ان كانن صغار ولا عيايز