منتديات جعلان - عطني 50 ريال واخبرك اذا زوجك متزوج"

السلام عليكم ورحمة الله وبركاته
ما أطول عليكم

القصة حول مديرة مدرسة عزـباء غابت عن المدرسة يومين
ولما عادت لمدرستها
قابلنها المعلمات سلامات وينك يامديرة ؟

قالت لهن باركولي تزوجت.

قالن مبروك يامديرة ولكن منهو زوجك ؟.

قالت لهن بصراحة زوجي هو زوج إحداكن.

المعلمات: تكفين علميننا أي وحدة منا ؟

قالت المديرة والله ما أعلمكن .

المهم لزمن عليها

فقالت لهن أنا ما بقول
اللي تبي تعرف هل هو زوجها وإلا لا تجيب بكرا معها خمسين ريال
وإذا جت توقع تحط الخمسين على الطاوله
واللي آخذ خمسينتها ما زوجها
واللي أخلي خمسينتها على الطاولة ولا آخذها فهو زوجها

عيب علي اتزوج زوجها وآخذ بعد منها خمسين ريال ..

وافقن المعلمات على الطريقة.

ويوم جاءت بكرا وكل وحدة مزهبه معها فلوسها

جت الأوله والثانية والثالثة والرابعة حتى العاشرة والمديرة تاخذ فلوسها

يوم جت المعلمة رقم الـ 11 وبدت المديره تأفف المهم حطت الدراهم على الطاولة وقالت لها تكفين خذيها يالمديرة

قالت المديرة اعذريني

قالت المعلمة في نفسها.. كانها قليلة حطت 100ريال بدال خمسين ريال
قالت المديرة أووووووووووووه معليش أثرك أنتي جواهر والله اني آسفه غلطت
يوم تنفست المعلمة وقالت الحمد لله يعني بتاخذين الفلوس
المهم اخذتها المديرة .

ودخلن بقية المعلمات حتى الـ 23 والمديرة تلعب باعصاب كل وحده وفي النهاية تاخذ الخمسين الريال

المهم بقت معلمة واحدة فقط
ماجاءت المدرسة
يوم اتصلن عليها المعلمات هاه وينك يا استاذه قالت والله اني تعبانه وماني جايه .
قالت المعلمة الغايبة : هاه من صار زوجها اللي متزوج المديرة ؟

قالن لها لحد ألحين مابين شي
والمديرة عيت تاخذ الفلوس لين نحضر كل المعلمات

( يلعبن عليها بس يبونها تجي عشان يتطمنون إنها هي لأنه مابقى إلا هي )

وقالن المعلمات لها لازم تجين تكفين ..

المهم جت تسحب رجليها بالقوة
ويوم جت تدخل المدرسات كل وحده مبسوطة انها ما هي

عموما دخلت المعلمة الأخيرة غرفة المديرة
وحطن باقي المعلمات ايديهن على قلوبهن وحطت المعلمة الخمسين على الطاولة وأخذتها المديرة .

يوم طلعت لقنها عادية وماصار شي وفلوسها أخذتها المديرة .

قالن يابنات فيه وحده منكن ماخذت المديرة فلوسها ؟

قالن لا والله كلنا اخذت دراهمنا .

ودخلن المدرسات على المديرة وقالن اخذتي الفلوس من كل المعلمات تلعبين علينا
منهو زوجك ؟

قالت المديرة المهم الدراهم ( 1200 ريال ) ماراح ترجع
وأنا والله لا تزوجت ولا شي لين الحين عزوبية
ووالله كنت مريضة هاليومين .
ولكني اطلبكن قبل شهر تدفعن 10 ريال نصلح المصلى ولا وحدة منكن دفعت قلت والله لأدفعكن 50 ريال نصلح المصلى ونشتري مصاحف وقف للمسجد .

قالن المعلمات فداك الريالات ولو تبين زود عطيناك بس أهم شيء رجالنا ماتزوجوا علينا.