منتديات جعلان - يعني تخيلو معاي لو صار هالشي شو ممكن يصير

تخيــــــــــــلوا البنات يخطبـــــــــون

--------------------------------------------------------------------------------

[COLOR=DarkRed]يعني تتفاجأ في يوم وانت قاعد تقرا كتاب رومانسي وأنواع الأحلام الورديه (يااي) و سرحان في فارسة احلامك على الحصان الابيض.. ;)

الا و امك داخله عليك و توها يايه من جـاي الضحى و تقولك: يا ولدي ودي اكلمك في موضوع. .

ترد انت بكل خوف : خير يمه؟ ....

تقول امك: ترى يارتنا ام خالد تبي تخطبك لبنتها. وانت ماشالله كبرت و احلويت وكلن يبيك. ها شرايك؟؟

تنزل انت راسك في الارض و تلعب بصبعك في شعرك (او شنبك) و ترد و انت مستحي و خدودك حمره (هذا اذا كنت محلق اللحيه) و تقول: ....

الراي رايج والشور شورج يايمه..

تقول امك: انا بصراحه ما اشوف في البنت شي. .

ماشالله عليها محترمه و وظيفتها زينه و راتبها ممتاز و من عايله محترمه و من البيت للمسيد و من المسيد للبيت

ولا عندها سوالف السفر و الخرابيط و ما تشرب ولاتدخن و لا تروح شقق بنات. يعني بنت ما عليها...

تقول انت : بس يا يمه اهيا ما شافتني من اول انا دايما متلطم بشماغي :p

والله عيب بس بكمل

تقول امك: اهيا شافتك و انت نازل من باص المدرسه بس ..و سألت عنك و قالو لها خوش ولد مهو راعي سوق و كوفي شوب و ما يطلع الا مع ابوه.

و تراها هي و امها يايين يوم الخميس علشان يشوفونك..

تسال انت: اوكي يا يمه ابوي شنو رايه؟

تقول امك: ابوك ما يدري خليه حايس في المطبخ الله يعينه..

تقول انت :اللي تشوفينه يمه. .وتطلع امك من الغرفه

وتنط انت جدام المرايه و تاخذ نص لفه يمين و نص لفه شمال تشوف جسمك و تمشط شعرك و شنبك بدلع :p

و تقول : اه اخيرا حسَت و خطبتني.

و قبل يوم الخميس تروح انت لكوافيير و تكون مسوي حجز و تقعد و تصبغ شعرك (هاي لايت) و تزين حواجبك و تطلع مثل القمر

وتيي البيت و تلبس الثوب اللي فصلته عند المصمم( عبده شولق) لثياب الاعراس الحفلات واللي فيه فتحه من عند الساق و فتحه في الظهر وسيور و ذاك المكياج وذاك العطر اللي يشق الخشم و تنزل للصاله

ويقولك ابوك : يالله دخل العصير على خطيبتك :p ترى امك ذبحتنا تسال عنك

تقول انت بكل خجل: واي واي يا يبه انا استحي

ابوك يقولك وهو يطق على كتفك و يضحك يا ولد روح لعروسك

تقول انت: يا يبه دايما تحرجني انت واي واي

و تاخذ صينيه العصير و تدخل المجلس اللي فيه البنت بكل نعومه ورقه ودلع وأدب و تقول بصوت ناعم: احم احم الس سسسلام عليكم

ترد هي بعد ما وقفت و عليكم السلام

و تقولها تفضلي....

تقول هي: شنو الاحلى العصير الاحمر و لا الاصفر؟ تبي تلطف الجو معاك ...تتلصق

تقول انت: كله حلو :D

تقول هي: اكيد كله حلو لانك انت اللي مسويه

و تحط الصينيه بسرعه و يدك على فمك و تضحك و تروح داخل بسرعه

ياربييييييييييييييه

الا اخوانك ينطرونك و يقولون: ها شلون شكلها شقالتلك

تقول انت: واي واي تهبل تهبل حلوه و دمها خفيف و ذوق

الا ابوك من المطبخ يلولش (يزغرط بالمصري)

لللللللوووولللللوووووشششششششش مبروك يا ولدي

الا بدخلة اختك العربجيه من بره و حاطه عبايتها على جتفها و تقول : خير وشفيكم !!

يقوله ابوك : قصري صوتك في وحده داخل يايه خطبت اخوج ..

تقول اختك: اهيا وين شافت اخوي علشان تخطبه هاه؟؟؟؟ و تعطيك كف :confused: و تصرخ والله لاوريها شغلها ...

الا بدخلة امك و تسطر اختك كف و تطلع اختك بالسياره و تفحط و تروح للاستراحة البنات وهي متضايجه خخخخخ <..تخيلوا عاد

و تمر الايام و انت تجهز ثوب العرس و الكوشه و بيت الزوجيه و خلال هالفترة تمرك زوجتك بالسياره تتمشون و تحاول انها تمسك ايدك و انت مستحي ;)

واييي يوم العرس و تقعد انت في الكوشه و كل الشباب حواليك يرقصون و يغنون على انغام طيران فرقة الشاطئ للرجال و طبعا مافيه زبيده او صيته او العنود وساره

وشوي الا العفسه قايمه : ترى العروس يايه

و ينطون الريايل و الشباب كلن يلبس شماغه و يتلطم ..

و تدخل العروس مع امها و خواتها (خواتها يتيميلحون جدام الشباب ) و تقعد العروس يمك و ترفع الطرحه و تقولك: الله صاير مثل القمر

ثم تلف ويهك وانت مستحي وبعد فتره الا انت تصرخ في الليل وتعبان ويودونك المستشفي

و تاخذها زوجتك فرصه و تسافر مع البنات و يهيصون قبل ما تخلص مده شفائك الله يساعدك

و ترجع لبيتك تربي عيالك و تطبخ الغدا لزوجتك

وتتخانقون ساعات و تنام و دمعتك على شنبك :p

ويزيد حدة الخلاف و تاخذ شماغك و عيالك و تروح لبيت اهلك

(ههههههههه)

هااااااا شرايكم