|
سوالف البنات في الطابور ...
سوالف البنات في الطابور
البداية مع التفتيش : ليش مريولك موديله كنه فستان عرس ؟ أبله هذا ستايلي .. ليش حاطة عدسات زرق ؟ أبلة عيوني هذا.. امي اوروبية . ليش كل هذا الكحل ؟ أبلة عيوني كحلية طبيعيا .. . ليش المناكير ؟ أبلة هذا حنة سوداني مو مناكير . ليش ما ترددين تحية العلم ؟ أبلة حلقي تعورني . >> ههههه ومن الجهة الثانية صوتها و سوالفها واصل لآخر صف ... ليش تسولفين بدل ما تستفيدي من الإذاعة ؟ أبلة مو انا بس كل الصف ..بعدين الإذاعة مكررة هي وفقرة هل تعلم السخيفة ليش كل هذا المكياج ؟ أبلة امس كان عرس ولد عمي للفجر .ومالقيت وقت عشان أشيله ....!! و طبعا في بنت رقيقة تصيح .. وفي بنت دفشة بكرة تجيب القبيلة كلها تشتكي .هههههههههههههه وما ننسى حركة التنقلات المستمرة .. مثلاً فلانه الدبة لما كانت بالثانوية كل يوم تتنقل طابور غير حتى يمكن طابورها ما تدلة. نمر للبنات اللي مبققات عيونهم على الأبلوات ... وين أبله سيتوبلازم ؟مواقفة جنب العمود أكيد غايبة اوكي الحصة الأولى فاضيين . يا سلااااااام وين أبله"قد اعذر من انذر ؟ هذي عندها مناعة طبيعية ماتمرض عشان تغيب هي و ربيعتها نو بودي... وين أبله الحجم العائلي ؟ اوف كمان جاية .. لا وتشوف علي كمان شافها ملك الموت " عزرائيل " اليوم قولو آمين شوفوا معلمة عطيات تنورتها تحفة .. خيالية.. آخر موضة .....من وين اشترتها ؟ عاد معلمة دراكولا مشترية دمعة بدل أرنوبها القديم وتتكلم مع زوجها في الطابور لتضمن أكبر عدد من الناس شافوها ..تنزل اعلان بالجريدة يكون أحسن . والحين قبل لا نخلص نشوف سوالف الدلوعات : أمس رحت عرس جيراننا لبست فستاني الجديد الكشخة التركواز والا**سوارات اللي توني مشتريتهم من كليرز وصندل فرساتشي اللي اشترالي إياه أخوي من لندن هه.. وكل الناس تشوف علي كاني انا العروسة . تدرين مع من سولفت أمس بالشات ؟مع لبناني وحاط صورته يمة يذوب ... شعر اشقر و عيون خضرا . ونخلص بالبنات اللي اختصاصهم الحش : شفتي فلانة امس فاتحة شعرها كنه خرطوم حريق. ولا علانة اللي كانت عايشة في ماليزيا اليوم جايه بقميص صوف والحرار 40 درجة غبية وحدة . ولا مجموعة شغالات الصف " هذيلا اللي يلمون الدفاتر و يجيبون المسجل أو اللوحة للأبلة " الصباح لقيتهم ينظفو السبورة .. والله ينرحمون . و في النهاية تجي معلمة قلم ماشي و تقول : وين انتوا في سوق سمك ؟ وحنا نقوم نضحك كالعادة ... ولازم كل سبت واربعاء أنا واماني وباقي الشله عند المديره" دايما نلبس كوتش رياضي وهذا ممنوع " وبعد اسبوعين استدعاء للطرد وهذا المطلوووووب م//ن |
ههههههههههههههههه صراحة البنات فاضيااااااااااات.. مشكوووووووووووره خيتووووووو ع الطررررح بس أسألك أنتي منهن هذيلا البنات..؟؟؟؟rolleyes. |
لا لا .. هؤ هؤ !!!!
|
ههههsmile.smile. وما خفي أعظم يعطيك العافية ملاااااك |
هذا الحقيقة والواقع
... يسلموووو ع الموضوع المميز |
ههههههههههههههههه
فديتهن انااا احسن منكم يا الشباب ما تبو تتكلمو غير عن المباريات وغيرهي خخخخخخ فا البنات احسن منكم هع هع هع يسلمووو ملوووكة تقبلي مروري |
اقتباس:
هههههههههههههههههههه اذكرني هاديه اكون فالطابور |
smile.smile.smile.
|
((((((((ليش حاطة عدسات زرق ؟ أبلة عيوني هذا.. امي اوروبية .))))))))
احلاااااااا وحده جالت امي اوروبيه جالت هع هع هع تسلمي انسه ع حقيقة بنات المدرسه :-))) |
أشكرك جدا ع طرح هالموضوع المضحك والتي يذكرني بأيام المدرســة
وللامــام دايمأ تحياتي"الأمـــل" |
| الساعة الآن 05:05 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][