|
ليش الناس جذيـــــــــــــــــه؟؟؟ احنا وين عايشين ؟؟
السلام عليكم ورحمه الله وبركاااااااااااته ....
موضوعي ما اعرف كيف ابدا به بس بقول كل اللي بخاطري وابغى منكم تقروونه وتشوفون اذا انا غلطااااااااانه اولا كل شخص يمر بناس غير الناس اللي يعرفهم او من منطقتهم سواء ف ايام الدراسه او ف العمل لكن ييتعامل معهم مثل اخوان او اصدقاء او زملاء دراسه او عمل واكيد راح يكون بينهم سوالف وضحك ورمسه وعيش ملللللح مثل ما يقولوووووووون لكــــــــــــــــــــــــــــن ابغى اكون واضحه ف كلامي راح احدد شو اللي ابي اوصل له طيب اسمعواا قصدي شوووووفوااااااا frown. كنا فمحاظرة والدكتور الله يسلمكم مب عربي يعني يرمس عنجليزي ويدرسنا ماده صعبه شويه يباله فهم واحنا مثل مايقولون من الناس اللي يمشووووون حالهم وطبعن بنص المحاظرة عطونا نكتب تعبير قصير عن الموضوع اللي يتحدث عنه الدكتوووووووووور يعني قال كتبواا ف ورقه واللحين ابغيه واللي يخلص يظهر من المحاظرة اوكي نص الكلاص مب فاهم شو نكتب يعني زي الاطرش ف الزفه وانا كنت منهم اللي يستر ع اليميع انزين عاد صديت صوب البنيه اللي يالسه جنبي ابغي اسالها شو نكتب وجيه واهي ماشا الله كتبت نص الموضوع وانا اقول لها شو نكتب واسالها واهي تصوروووووا شو كانت ردة فعلها قالـــــــــــــــــــت (((((والله ما اعرف يالسه اخربط واعيد الكلام ولو سمحتي لا تغشي من عندي او تشوفي شي من اللي كاتبتنه ))) قسم بالله بغيت اصيح وهالبنيه يعني دوم ارمس عندها ونسولف وبينا يعني مابينا حواجز حالها من حال زميلات االكلاس .. عقب قلت لها مشكور ه بس انا ما كنت ابا انقل اللي كاتبتنه او اسرق من تعبيرج بس ابغي افهم الموضوع البنت طنشت ولا ع بالهاااااااااا قلت بشوف البنيه اللي ع الصوب الثاني وسالتها نفس السوال وجيه قالت ((((بروووووووووحي ما اعرف شي .... يالسه اخرف من مخي وجيه )))والله لو تشوفون كيف كاتبين التعبير من خاااااااااطرهم .. انا ما احسدهم ولاشي ولا شاله بخاطري عليهم وطزززززززززززززز الف مرة ف الدرجاااااااات ولا ابغي شي بس انا اعرف ليش النااااااااااااس صايرين جذيه يعني كل حد يبغي حق نفسه ومب نشااااد عن غيره ياناااااااااس احنا وين عااااايشين احنا مسلميييييين مب يهود وربي يعني اليهودي مع اليهودي بيساعده وبيرحمه مب مثلنا احنا مع احترامي لليميع الناس مب نفس الشي بس هذا الواقع اللي قاعد يصير جدامي واقع شرات السم يقهررررر وربي كيف راح نعبر عنه بدمعه ؟؟ بعصبيه؟؟ بحقد ؟؟ mad. ليش جذيه يعني الدنيا راح تنفعك بكم درجه ؟؟ اللي انا طلبتها من البنات مب شي كبير كنت ابغي افهم شو الموضوع اللي كان يبغي نكتب عنه ... ابغي ردودكم confused. هل انا غلطااااااانه ف كلامي ولا انا شوووووووووو وهل مريتوااااااا بمثل هالمواقف وشو ردت فعلكم مع هالنوع من الاشخااااااااااااااااص؟؟ |
هلا أختي ظبيه أنتي مب غلطانه من وجهة نظري بس يمكن هن فهمنك خطأ ع بالهن تبي تنقلي نص الموضوع من عندهن...أو ع شان ما تنافسيهن بالدرجات ...ويمكن لا يكون ردة الدكتور فالنهاية انكم ناقلين من بعض ...بصراحة ايام الدراسة مرينا بمثل هالمواقف وايد بس عشنا حياة طنش تعش وفي النهاية خلصنا وتوظفنا وما خسرنا شي بالعكس هم الي يخسروا نص اصدقائهم ونظرتهم لهم ...تحياتي ..
|
عبري عمري
مشكوووووور ع المرور بس انا كان سوالي واضح لهن ما كنت ابا انقل وبعدين انا عزيزة نفس ما بسير انقل من عندهن والبنت كانت فاهمه سوااااااااااالي عدل االمهم تشكرااااااااااتي اخويه ما قصرت بردك :) |
هلا حببتي اولا هدي أعصابج ولا تخلي عصبيتج اخيتي تطلعج من النص المقصود لانج استخدمي الفاظ متلوج لج كبنت جامعية ففففففففففففففديتج
وميصير تحكمي ع الناس من موقف واحد حن مسلمين والرحمة والتعاون موجود وزميلاتج هذول ما يمثلوا المجتمع كله فقط يمثلن نفسهن الغالية وبعدين فالدراسه حن شفنا اكثر من كيه لدرجة والله لو اجولج صايرات جاسوسات من تخرفي عن دكتور لايعه جبدج منه ركيض يوشن ويسون حساسيات بين الطالبات وعادي اذيه ترجع للتربية والطباع وحبتي حاولت تقري كتب مترجمه عربي انجلش عشان تتعلمي لانا كلنا بكيه بدينا والحمدلله وربي يوفجج الغاليهsmile. |
الطيبة ناس اجناس وكلن ف هدنيا نفسي نفسي ..انتي بطيبتك تشوفي ناس مثلك بس عاملي ناس مثل ماتعاملج وكوني احسن عنهم بعد ...
انا مريت ف هالموقف بس انا كنت اعطي ولما طلبت خدمه بسيطه والله بسيطه حيل ايش كان رد البنت انا ماعندي وهي عندها بس عطيتها درس ماراح تنساه ف عمرها ...وكما تدين تدان ..بس علاقتي بها مثل ماهي ..ولي طلبت ماقصر فيها .... اعتمدي ع نفسج كثر ماتقدري ترى ناس ماترحم ..... |
الماسه صووووووووور اشكرج ردج مقنقع بس انا مب معصبه ولا شي عااااااادي
عنيدة وبكيفي الصرااااحه اقنعتيني بكلامج ذهب وهذي الدنيا عامل الناس كما يعاملونك صدجتي اسميييييج تشكراااتي مره ثانيه خويتكن ظبية |
ظبيه حبيبتي قوليلهن كلمه وحده...هدن هدن
أنا شبه مريت بموقف مثل موقفج وطول الوقت ما سكت..أسب وأشتم وعلامة تعجب كبيييييييييييره في تفكيري.. ليش؟؟؟عشان الدرجات...؟؟عشان شو بالضبط؟؟؟ بس أذي الشي يعطينا دافع نكون أفضل منهن صح ظبيه...؟؟ خلي هالموقف يدفج لجدااااااام مش للورى.. وتاكدي في هالوقت""إن لم تكن ذئب أكلتك الذئاب"" |
هلا اختيـ ظبيهـ أولا : اشكرك على طرحك للظاهره منشره كثيير في اجواء الدراسه سواء كان ف المدارس او كليات او جامعات... وانتي مب غلطانه انك تسألي ..... لكن الناس مو مثل بعض كما يتهيألك في الدراسه ...يعني مثلا انه صديقاتك وقريبه منهن بس ف الاختبارات غير اللهم نفسك بس..confused...!!!... وهذا يعتمد عليك انتي كطالبه انك لازم تفهمي الدكتور وش اللي يقول اول بأول ....ترا هذي المشكله كلنا نعاني منها بس نلجأ الى وسائل عشان نستوعب الدكتور والمادة ......وخليك زائرة دائمة للمكتب الدكتور وتناقشي معاه اي اشكاليه في شرحه او شي من هذا القبيل ... هذا وأسأل الله التوفيقsmile. |
http://www.alamuae.com/up/uplong/yCV...1025813464.gif هذا حال بعض النات.. البنات مايحبن الخير لغيرهن!! وبعض البنات ماتبي حد ينجح غيرها!! نحصلها تخش الورق وماترضى تخبر الاجابه حتى ربيعتها مااطيع تخبرها!! وهالشي صار معي اكثر من مره..موقف 1 كنت ف امتحان.. وكان في سوال. وهالسوال اجابته ثلاث تعريفاات.. وانا كتبتهم لكن مااذكر شو اسم كل نعريف حافظه التعريف ونسيت اسم الشي!! والبنت اقولها اول سوال.. انا كتبت التعريفات كلها لكن ناسيه الاسم او المصطلح العلمي للتعريف كان اطنشني!! وموقف 2 كان قبل لامتحان بكمن يوم.. وحده اعرفها..ربيعتي.. تعودت كل امتحان انسخ منها اوراق.. وجذي.. المهم ف امتحان.. بغيت انسخ منها اوراق الماده ماطاعت تعطيني الورق!! وانا كنت معتمده عليها اعتماد كلي!! ادج عليها ماترد!! اتصل ع تيلفون بيتهم!! ايقولون مب موجوده!! وبسبتها طلعت ب الماده!! ويوم شافتني ف الكليه كانت تنخش وتسوي عمرها ماشايفتني..ومدري شو لكن انا سرت وكلمتها وسلمت عليها عااادي..كن ماشي صار!! موقف 3 ومن كمن يوم دكتور عطانا مسائل نحلها.. وانا دشيت الكلاس متأخره ومافهمت كيف طريقه الحل!! البنت اشوفها حلت المسألها كلها!! وانا سألها كيف الطريقه كان تقولي ماعرف!! انا حليت غلط!! وانا ادري انه حلته صح!! و ماسألتها مره ثاانيه!! شو نقووول؟ وشو نسوي؟؟ هذا حال بعض البنات الله يهدين مايحبن الخير لغيرهن ومايحبن حد ينجح غيرهن!! الله المستعان.. وشدي حيلج ظبيه.. ولاتعتمدي ع حد.. وانتبهي ع دراستج.. وع شرح الدكاتره.. والله يوفقج ويوفقناhttp://www.alamuae.com/up/uplong/Q1r...1114914519.gif |
ههههههههههههههههههههههههههه
سووووووووووري بس و الله ترى هـــــــــ الحركات تضحك....يا خي جديمه هـــــــ الحركات.... و الله لو كنت مكانج كنت بضحك إلين ما يطردني الدكتور من الكلاس....و لا بفكر أني انتقم من البنات ولا شي....ولا حتى بكلمهن....بس بعاملهن معاملت اليهال الصغار...و مثل ما يجولوا ( كل هبوب و أعطيها شراعها )..... و الله يوفجج في دراستج... |
| الساعة الآن 12:21 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][