|
مطاط مملوء بالهواء فرق بيننا ...
السلام عليكم ورحمة الله وبركاته... نرجع للكتابه في منتدانا بعد فترة التوقف سواء لظروف الشبكه او ظروف خاصه ... بدون مقدمه طويله ... وفي معمعة كاس الخليج ورغم ان شعار اتحاد الكره الدولي اللعب النظيف والتنافس الشريف الا ان مابدر من بعض المشجعين العمانيين من اخلاق خارجه عن عن الروح وعن الاخوه تجاه اخواننا في الامارات امر مرفوض مرفوض مرفوض والكل شاهد وسمع وراى ماحدث سواء اكان في التلفزيون او الاذاعه او على الطبيعه ... ياترى وين راحت عقول البعض حتى يتصرف مثل هذا التصرف ثم يعود ويعتذر اي منطق واي اسلوب واي دين يسمح لهؤلاء ايذاء اخوان لنا بالدم واهل لنا يعيشون بقربنا بسبب مطاط مملوء بالهواء وهي الكره حتى تسمح له نفسه بالاعتداء بالظرب وبدون ذنب اقترفوه الا انهم يحبون منتخبهم ومن حقهم تشجيعه مثل اي شخص ينتمي لوطنه لكن ان تصل بالبعض الامور الى انه يظرب ويكسر ويتهكم على اخواننا هذا مانرفضه حتى صرنا نكره ان تكون كاس الخليج لنا ويفرح بها هؤلاء ويجب ان يعلموا ان الذي بيننا وبين الاماراتيين قرابه الدم قبل اي شيئ واللي ياذيهم ياذينا والاعتذار هنا لايكفي لان الخطا صار وحدث وتظررت منه ناس ... ومثل مانحب عمان احبك يالامارات ونحبكم ياشعب الامارات ونحن غير مسؤولين عن تصرفات صغار العقول واتمنى الكاس سعودي قطري كويتي ...ولااريد اشوفه بعمان بعد اللي صار ... |
صـــــدقت اخوي الماااجد صـــدق انه الناس تخبلــت , مدري وش بلاها mad. صار الشاب العماني يكره الاماراتي وصار الاماراتي يكره العماني والسبـــــــب شو ؟ كـــــــــوورة ؟؟؟ والله الواحد يستحــــــــي ويتفضــــــح لما يعرف انه السبب تافه ولا يذكر اصلا ماقول غير الله يهــــــدي شباب عمان والامارات والله يبعد عنا الزعل والمشاكل والله يجعلنـــــا وياهـــــم يد وحـــــده |
تصـرف قله غيــر واعيـه ومشكلتنا في الخليج نأخذ الأمــور بحساسيه زايـده للاسف هذا الموجود
مثل ما تناولت طرف المضيف لازم تتناول طرف الضيف اخوي الماجد ومثل ما يقولوا((يا غريب كون اديب)) راح اذكر تصرف واحد من الجمهور الاماراتي الحبيب: ما تعرض له المراسل العماني ل برنامج فض فض وظهر ف برنامج ف قناة دبي الرياضيه وعمدة المشجعين الامارتيين اعترف بهذا الاعتداء وبالنسبه لهالحادثه فهي غريبه على أهل الأمارات وما هي من عوايدهم أبداً .. وما نتوقعهاا من أي شعب شقيق وهذا تصرف من شخص صغييير بأخلاقه ولايمثل إخواننا الإماراتيين اكيد ما اريد اطول السالفة صراحه لانها خذت وايد عن حدهاا واذا صار شي للجمهور الاماراتي من الجمهور العماني اكيد راح يكون من ناس ما شافت الوعي بعينها وكلنا اخوان ف النهايه وهاذي كوره لا تقدم ولا تأخر ما اقول غير الله يهدي الجميع ويصلحهم. ... اتمنـــــا الكأس عماني ان شاء الله والسموحه منكم جميع |
اخوي الوهم تسلم على المداخله ...
اخوي الصقر شحالك ... عشان اكون صريح اكثر انا كنت ف مدرجات الامارات لما كانت سالفة قناة الجزيره والخطا كان من كادر الجزيره دخولهم المدرجات رغم تنبيه الجمهور الاماراتي من البدايه وانا كنت جنبهم بروحي شايف الموقف بعيوني فالبدايه استفزهم مقدم البرنامج وكانت هذي ردة فعل من جمهور الامارات ... اما بالنسبه للي حصل بعد المباراه من الجماهير العمانيه كانت متجمعه خارج الملعب وفي الشارع مع انها ماكانت مباراة عمان وبعد المباراه صار ضرب وتكسير من جمهور عماني للاشخاص وللسيارات وامس ف ولاية صحار الشارع مغلق من قبل الجماهير العمانيه وبعض جماهير الامارات فالعنايه المركزه فالمستشفى من يرضى هالشي فالنهايه محد يرضاها وحتى فمسقط صارت هالسالفه بعد المباراه ... |
تمام شحالك انت؟؟ موضوع الجزيره والنقل هذا بروحه سالفه بين القنوات وللاسف وصلت للجمهور تبي الصراحه قلة من الجمهور العماني قاصد هالشي بس ما يمثل الكل وهذا موجود وصار حتى ف خليجي 18 ونت ابخص هذه الجماهير لابد من ان يكون هناك من هو متعصب وهناك من السئ وهناك العاقل اكرر تصـرف قله غيــر واعيـه من الجمهور العماني الله يهديهم ويصلحهم |
تسلم اخوي الصقر وبصراحه حتى فخليجي 18 صارت اساءه للجمهور العماني ف الامارات
وهذي صحيح ردة فعل بس مانتمنى ان الامور توصل ل هالمرحله ... ومهما كان الجميع اخوان فالنهايه ... والسموحه ... |
عيب والله الى جاعد يصير والله عيب ... الضرب و الشتيم الى يصير و تكسير السياراااات يعني هالاخلافاات بظل طول سنوات خليجي ..... يعني هذا كله مشان كرة االقدم ؟؟؟؟؟؟؟؟؟؟؟؟؟؟؟؟؟؟؟ الله يستر ؟؟ شوفوا لوين وصلنا !!!!!!!!! |
مراحب اخواني ومراحب اخوي الماااااجد
بقولكـ شي عمرررره المواطن العماااااني مايغلط ع ضيفه ف داررررره بالعكس بيحترررررمه وبيقدرررره شوف الجماهير الكويتيه والسعوديه والقطريه والبحريييينيه واليمنيه شو ف كيف نعاملهم، تقدير واحتررام انا ماععممم ع كل الجماهير الاماراتيه بس والله فيه جماهير ضايقتنا ف خليجي 18 وبعد ف خليجي 19 ماحترمونــا ف دارررنا ف ترابنااا عماااااااان اللي يغلط علينـــا مانسككتله ومع احترامي الشديد لاخوانا الاماراتين اللي مشاركين ويانا ف المنتدى |
لاااااااااااااااااااااااااااااااااااتعليق
صرااااااااااااااااااااااااااااااحة خووووووووووي الماااااااااااااجد لكن التفكير السطحي في اللاوعي مسيطر على وااااااااااااااااايد ناااااااااااااس تفكير تعصبي بدوووووووون تريث ..ولا إدرااااااااااااااااااااااااك ولكن نؤكد أننا جميعا إخواااااااااااااااان عرب وخليج .. وعلى هذا التقدم في النهضة الخليجية يحبذ أن تكوووووووووون هنااااااالك طفرة أسلوبية ذوووووووقية كذلك .. أشكرك الماااااااجد على طرق الموضوعاااااااااات الهااااااااااادفة ياصاحب الفكر الراااااااااااقي لك أرق تحية مني خووووووي |
الزعيم ...تسلم على وجهة النظر
عطر الاماكن نورتي الصفحه ... ونحن في عصر صارت لغة الحوار هي المطلوبه وليست لغة تكسير السيارات ... |
| الساعة الآن 06:06 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][