منتديات جعلان - فرق الوليف

يا نسناسْ الهبايبْ

يا نسناسْ الهبايبْ يا الباردْ الذنينْ
تطلب منّي طلايبْ وانا ادعوايه وينْ
دونهْ قطع ونصايبْ ومهلّكات البينْ
حنّت بعض الّركايبْ خشع البكارْ الهينْ
خلوي بالخبايبْ دارت ولدها وينْ
من يختلط في النّايبْ إرغاها والحنينْ
قول المعنّا صايبْ تبع المجفي محينْ
دمع العين العتايبْ منها خلاة العينْ
فرق الولف الحبايبْ ومتابع المجفينْ
أتخايلهم قرايبْ منّي وهم نازينْ
واتحسّب أنّي صايبْ وفي مدراتي ضمينْ
في لفحات الهبايبْ ثرالصّواب امحينْ
خذ م المهار الحايبْ ومن الوحوش العينْ
عين الجريس الدّايبْ واهدايبها زفينْ
ومفرّع م الذّوايبْ ضافي على المتنينْ
عوده لدن الّرطايبْ كالخيزران اللّينْ
معزول ردف وحايبْ ومضمّره فترينْ
كل شيّ له سبايبْ والنّاس المغرضينْ
مدراتي للقرايبْ مدراة خشم أو عينْ
يا بو عبدالله ثايبْ خصّيتك يالفطينْ
إن حدّتنا نوايبْ انته الرّسخ المكينْ
وانته الذرا والحايبْ شمخ عالي ضمينْ