|
حرااااااااس امن ....
السلام عليكم ورحمة من الله وبركاته ... حراس امن .. حيث ماكانوا فالجامعه في الكليه في السكنات الداخليه ... عموما حراس الامن في الحرم الجامعي او في سكنات البنات اغلبهم من صغار السن والمتوظفون حديثا ... مهمته حفظ الامن والنظام في السكنات والابلاغ عن اي مخالفات تحدث في هذه المجمعات اثناء الدوام الرسمي وكذلك في الاجازات اذا صادف بقاء الطالبات في السكن لظروف الاختبارات او النقلاو غيرها .... هذا الشاب كيف تكون طريقة التعامل معه ان كان من اصحاب العيون الزايغه او الحركات المرجوجه؟؟؟؟ هل للطالبه الصلاحيه ان تبلغ عن تصرفات خاطئه تجاه اي فرد يسيئ العامله في اماكن الدراسه ام تلتزم الصمت في حاله وجود مخالفات؟؟؟ وهل لوجود حرس الامن الفائده الكبيره ام سلبياته اكبر من ايجابياتها في سكنات الطالبات ؟؟؟؟ وايهما افضل وجود العنصر النسائي ام وجود الشباب في مثل هذه الاماكن ؟؟؟؟ وهل بالفعل وجود هذه الفئه من الحرس مؤثر وله ايجابياته الكثيره في حفظ الامن فالسكنات ؟؟؟؟ |
هناك الكثير الكثير من المعاكسات من البعض من حراس الامن ..
والكثير يستغل عملة من اجل شي اخر للتحرشات وملاحقة البناااااات .. لدرجة ان البعض من الفتيات صديقها حارس امن .. وهذه حقيقه لا ينكرها احد .. نعم وللطالبه الحق والصلاحيه في ان تقوم بالتبليغ عنه متى ماشافت من سلوكيات خاطئه من هذا الرجل ...وبالتأكيد في وجود حراس الأمن قد يكون هناك نوع من بعض الحمايه وايضا المراقبه والحرص على متابعة كل صغيره وكبيره لهذه البنايات السكنيه من ناحية الدخول والخروج . شكرا لك والموضوع . |
اقتباس:
|
هلا ومرحب باخوي سواح وتشكر عالطرح...
الصراحة انا اجول حاميها حراميها وهني ماأبي أظلم الكل بس هذا الواقع اللي نشوفه يعني أوكي حطوا حارس بس ماضروري يكون شاب صغير أو انه يحطوا مشرفة أسلم وأحسن عن المشاكل وعن القيل والقال!!! سلااامو |
مرحبا سوااااااح
صراحة موضوعك حلو!!!! ومثل ماجال الأخ حاميها حراميها!!!! وشفنا من هالنوع الكثيييييييييييير البنت فهالحالة لازم وضروري أنها تبلغ بس الجلب وضعف الإيمان والشيطان بشكل خاص يحلي الحرام بعين الشباب من الجنسين... هنا يجي دور الإدارة بشكل أخص....تولي مشرفة...بس مش أي مشرف’؟؟؟؟ لها خبرة وتكون كبيرة...أكبر من البنات وإذا لزم وجود حراس....يحطوا حارس كبير مش شباب!!!! وإذا لزم الأمر أكثر....في بنات خريجات من الشرطة!!!!!صح ولا لا؟؟؟ مكانهن يصح فمثل هذي الأماكن!!!!!! وجود هالفئة لها سلبياتها وإيجابياتها.... وهذا صحيح... حراس كبار السن...إذا في أغراض ثقيلة....مايجدرولها!!! الشباب يجدرولها أكثر!!!! بس أحنا لما نجول كبار كبار....مانجول شوووووووبه!!! لكن ترف جلوبنا عليهم وما نجدر نجوللهم شيلوهن!!!! وتسلم ياخوي عالموضوع |
الكل حر بتصرفاته ... وماكل الشباب اللي يشتغلوا في صندوق التقاعد هذا طبعهم ... واصلن البنت اللي طالعه من بيتها ومربايه معليها خوف تجدر اتصرف حالها ومايجدر حد يمد عليها بكلمه ....واللي اتريد بروحها كلام للنفسها واتريد حد يغازلها فتراه الشباب اللي يداوموا ف الحراسات مراح يجصروا ابد ....
وشكرا ع الطرح الطيب ومافي داعي انجول حاميها حرميها .... ومعرف ويش من هذا الكلام لانه باكر حد من خوتكم بيشتغلوا سواء ف الشرطه ولا صندوق التقاعد ترضوا حد يتكلم عنه بهاذي الصوره .. اكيد لا محد يرضاها لنفسه ... |
كل واحد رقيب نفسه
والي جال حاميها حراميها يمكن مر بموقف خلاه يجول كذا!!! والبنت تظل شريفة لو وسط 100 ولد والناس تفرض إحترامها بالغصب إذا البنت محترمه أما إذا كانت.....فتتحمل الي يجيها وذنبها على جنبها!!!! بس المشكلة...الخطأ يعم والصح يُخص!!! من كذا الناس صارت تتضايج من فعايل الغير لأنهم يتضرروا بسببهم!!! ومشكور عالموضوع |
هدي أعصابك وليف الروح!!!!!صحيح ما يرضينا بس ما كل الناس مثل ما تظن!!!!
أحنا بنفسنا شفنا بعينا!!!وأنت بعد أكيد شفت كذا موقف!!!ومثل ما جال أحد الأعضاء الخطأ يعم!!! يعني أنا ما تكلمت إلا لأني تضررت من موقف شبيه!!! ومنشان أصحح كلامي سابقا... مب كل الناس...لكن...في ناس |
اقتباس:
|
اقتباس:
|
| الساعة الآن 02:01 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][