|
لا تمس تلفوني ولا بضربك؟
السلام عليكم و رحمة الله و بركاته ..
شحالكم علومكم .. ؟ موضوع شفته فـ احد المنتديآت .. وشفته حلو و ينفع للنقآآش .. وحاصل عند كثير من الناس الملاحظ هالايام ان الفئة العمرية ما بين 18- 25 ويمكنن تتعدى يرفضوون اي شخص ان يمس تلفوناتهم ودايما ما يقولون : ( ما حد يتعبث بتلفوني) هاي جمله عادية لاكن لها تفسيرات وايده ( ممكن اتفسروها لي ) ليش ما تبا حد يتعبث فتلفووونك.. هل هو الحرص عليه؟؟ ولا من كثر المحبة ؟؟ ولا فيه شي ما تبا حد يشووفه؟؟! لها الدرجة تلفوونك خطر ما تخلي حد يقرا رسايلك..؟ او يشووف قائمة الاسماء اللي عندك؟؟ او يسمع النغمات اللي منزلنا او الفيديو اللي عندك.. هذه قصة صارت لواحد من الربع يخبرنا عنها : مرة كنت انا وربيعي .. فمسك تيلفوني .. قلت له سير وين ما تبا .. الملاحظات .. الاستوديو ..اللي تباه .. بس لا تقرى صوب الرسايل ( اسرااار و عندي سوالف خاصه ما احب حد يشوفها).. سكت شوي وبعدين شفته يطالع الرسايل .. هاي الساعة خوزوا عني .. عصبت واتنرفزت من الخاطر .. اتضاااربت معااه.. وتم يومين ما يرمسني .. يتحسبني ما اثق فيه .. ليش عصبت ؟؟ .. لاني نبهت .. المهم مابا اطول معاكم ..بس حااب تفكروون و تجاوبوني .. ابا اسمع راايي الشباب خآآصةً الي من هالنووع .. ملاحظه : ( انا من هالنوع ما اح حد يمسك تيلفووني و يتعبت فـ الرسايل خاصة ) لانـه تكوني فيه اسرار و ما اح حد يشوفه .. الا اذا له فـ الموضوع خخ .. أتمنى الصراحة فيه |
كل شخص وله خصوصيات مهما كانت درجتها ومايرضى حد يمس تلفونة
مثل لو جاء اخوك الصغير وتعبث بكبتك مراح تعصب علية؟؟؟!!!! اكيد بتعصب لان شي يخصك ماتحب حد يتعبث به... وأذا استاذن مني اعطية ليش لا وثانكس ع الموضوع |
أكيد يعني فيه خصوصيااات أحيانا تصير أشياء اسرار بيني وبين ربيعاتي او بيني وبين خواتي ما احب اطلع اسرار اللي بينا أغلبية المسجات تكون دردشة فصعبة أخلي أحد يشوف المسجااات أما عن الملاحظااات بصراحة أكتب اشياء لما اكون متضايقة ما احب اعطيه احد ومشكورين ع الموضوع |
http://up5.m5zn.com/photos/00117/907tonp1gkcs.jpg هههههههه العنوان حلووو وااااايد ^_^ انا عن نفسي ماترك المجال لاحد انه اصلا يشوف تيلفوني او حتى يلمحه!! لان 24 ساعه تيلفوني ف مخباي!! ^^ ولو حد بغى يشووفه عااااادي ترى مااشي سر ^^ يسلموووو الزعيـــــم ع الموضوع والطرح وانتا شو ردت فعلك لو حصلت حد ماسك تيلفونك ويلعب فيه؟؟؟ http://up5.m5zn.com/photos/00117/272dcax97agl.jpg |
محب حد يمس جوالي كل مرة يضيعوه خوتي تفجرت ولا عادي لا سر ولا حاجة 36_3_11[1].
|
اخوي
تسلم ع الموضوع لكن تعرف الشباب شو يريدوا الرسايل والارقام اذا طلب منك تيلفونك راقبه وشوف شو بيفتح |
الف شكر لكم اخواااااني
انا عن نفسي بقووووووووله هاك التلفوووووووون وشوفه لانه معندي شي اسراااااااااااار او خرابيطوااااا خليه يفتش اللتلفون تفتيييييييييييييييش شامل بس باستئذااااااااااااااااااان |
الحين صار الجهاز كل شيء بنسبة للاشخاص
ها هو المفكرة لكتابة الملاحضات صار هو الدفتر لكتابة الخواطر صار هو حافظ الاسرار من كذا لا نحب احد ان يعبث بخصوصياتنا |
تسلمين الصمت الحزين ع مروورك
|
مرحبا من عمق القلب....
.... أنا من النوع اللي ماعندي مانع مثلا شخص من اهلي(بس) يشوف موبايلي لانه فهذا الزمان الرفض صار يفتح مجالات واسعه للشك..من الافضل ابقائها مغلقه .... بغض النظر اني لما اسمح لاحد ايشوف تيلفوني يزعجني احيانا هههه فمثلا امي (الله ايطول فعمرها اتخاف عليه لدرجه انها تفتح محضر) تبدأ تسأل وتستفسر: في الرسايل الوارده: ١- هاي ليش اتجولك كيه؟ ٢- وهاي ليش ماتكتب ابروحها؟ ٣- وهاي ليش تبا كتبها.. وانتي ليش شليتي غرضها منها؟ ٤-.......الخ وفي المسودات(ملاحظه بعض من خواطري وكتاباتي هنا تكون) ١- من اللي زعلك ؟ ٢- اتحبي من او اتكرهي من؟ ٣-هيش اللي جرحك ؟ وكذااااااااااااااااااا سالفه طويله ماتنتهي تشاوووو |
| الساعة الآن 02:30 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][