منتديات جعلان

أنـا مانـي بخايـف منـك ولا مـن حـظـي العـاثـر
أنـا خوفـي مــن الدنـيـا ومــا قــد فــات يكفيـنـي

تعبـت اتخيلـك وارسـم ملامـح وجهـك الطـاهـر
تعبـت اشتـاق لـك وانتـي أسـاسـا ساكـنـه فيـنـي

تعبت ارحل عن همومي واجيك من الفرح طاير
تعبت اشكي على صـدرك ودمعـك مـا يواسينـي

تعبت اسهر لجل عينـك تعبـت احتـاج لـك باكـر
وباكـر غايـبـه شمـسـه وليـلـك نــام فــي عيـنـي

تعـبـت اتـذكـرك وانـتـي بعـيـده والـزمـن نـاكـر
تعبـت مـن الغـرام اللـي سرابـك فـي شراييـنـي

تعبـت مـن التعـب نفسـه وروحـي مالهـا خاطـر
تـكـمـل رحـلـتـك وانـتــي دخـيـلـك لا تنـاديـنـي

رحلـت وعزتـي باقـي وأنـا فــي عـزتـي نــادر
أمــوت مــن الـولـه يمـكـن ولـكـن مــا يبكـيـنـي

غلطـت بقسوتـي وادري كبيـره غلطـة الشـاطـر
عـزاي انـي لجـل عينـك ذبحـت الشـوق بيدينـي

رحمتـك مـن عنـا شوقـي وقصـه مـا لهـا آخــر
وربــي بـعــد ذا كـلــه مصـيـبـه لـــو تلومـيـنـي

للأسف منقول