~~~ مجمع جعلان الصحي ~~~
 

احسن حاجة في الموضوع ما فية نقاط عشان تتناقش وندور لها حل ,,,,,,

اول المجمع صغير جدا . انعدام النظام بكل الاقسام . صعف في الدكاترة او المختصين.
زحمة بشكل كبير جدا . عدم توفر الادوات الاجهزة الصحية او انتهاء صلاحية هالاشياء (قديمة )
انعدام الادارة في المجمع .. الوسطات في التحويل للمستشفيات خارج الولاية .. لا يوجد رجال امن (سكروتي)

السلام عليكم ورحمه الله وبركاته..

غيروا هدكاتره..حتى ما يفحصوك يعطوك دواء..

من قريب متوفيه بنت اخوي ..والسبه هم..
تخيلوا شهر ونص فالمستشفى..اونه وزن ناقص ومدري شو..وتحويل من صور إلى مسقط
وبعد ما توفت ..وش قالوا..قالوا البنت كانت محتاجه عمليه..عندها مشكله في شي من الأعصاب..وهم كانوا يحولونا عند دكتور العظام..

السلام عليكم ورحمة الله وبركاته

مشكور اخوي ع الموضوع بصراحة انا مرة وحدة عالجت هناك
بس كان اوكية والتعامل كان راقي وماكن فية زحمة
وتسلم ومن كثر ماكان فاضي سويت فحص شامل حق عمري!

[center]كل الشكر لك اخوي مريض المحبة ،،،


جلتيها يا الغلا كان فاااااضي ؟؟!!!


ليش فاضي !!

الناس اتجهو للعيادات الخاصة لان بنظرنا العلاج فالحكومه ولا شي ولا منه فايده او بالأحرى مافي دواء مناسب واذا كان في شي ما يعطى للمريض بسهولة او يعطى بوصف فغير محله

يعني بأختصااار المجمع من اساسه غلط،،وهذا راجع لسوء الادارة وعدم تواجد دكاترة ذو كفاءه

وبعدين اذا في دكاترة وممرضين متميزين من ابناء المنطقة موب اولى بهم اهل المنطقة
يعني ليش الدكاترة من ابناء جعلان فصور ؟!!! ليش موب فجعلااان

وبغض النظر عن الادوية والاستشارات الخاطئة من قبل الاطباء وعدم وجود نظام و و و غيرة

وفالنهــــــــــــاااية توصل لدرجة وفيات مثل ما تفضلت احد العضوات ويبقــى السؤاااااال ؟
.
.
.


من المسؤول ؟[/center]

المجمع (للاسف الشديد يشكو من سوء اداره) في مره لقيت المرضى كلهم بجنب غرفة الدكتور التي يفحص فيها المرضى والممرضين كلهم ف غرفة الثانيه وعندي الوااااااااالد مريض حتى ماقادر يقعد سألت ليش المرضى مايجلسون ف غرفة الانتظار ليه كلهم بجنب غرفة المريض سألت الممرض تصدقون فالبدايه ماسوالي فيس بعدين قلتله يااخي انته رجل وانا رجل عيب عليك الوالد محوّل عندكم وليش ماتنظمون المرضى تدرون وش قال قال== انا مالي دخل كلمتهم اكثر من مره بذمتكم هذا الرد قلتله الشرهه مو عليك الشرهه يلي حطك اهنيه بعدين رحت الاداره قلت لهم بذمتك جالسين وتاركين المرضى بفوضه بدون تنظيم حتى الممرضين ماقادرين ينظموا انتو المسؤولين هنيه جزاهم الله خير فالاخير نظموا المرضى

ممن هالناااااااااحية لا تحاااااااااااااااااتوا وايد بتلقوا اشياء مب اوك يا فهالمستشفى اومستشفى ثاني
التسيب على ويل ابوووه مشي اهتماااام ابد
عيل ليش كلهم يروحوا للعياادات الخاااصة شو السبب؟؟؟!!!
لا وبعدها فحوووصاتهم خطأ* خطأ لله يستر

شو بنحكي وشو بنقول عن خدمات جعلان الصحيه قلة في الامانه وقله في الصدق وبالتالي تقصير في الواجب مسؤولين ماعندهم ذرة مسؤوليه احسن لهم يقعدو في بيوتهم بدل ما ياكلوامال حرام


مره وحده راحت تعالج وكانت حيل تعبانه شافتها الممرضه وقالتله لحظه واجي والمريضه تنتظر تقريبا ساعه واخر شي جات الممرضه وعاتبتها المريضه ع التأخير تتوقعون شو ردت الممرضه : حمدي ربج اني حصلت لج ابره كنت ادور وبصعوبه حصلت


حسبي الله ونعم الوكيل عليهم

مستشفى جعلان بني بوعلي
 

~~~ مستشفى جعلان الصحي ~~~
أنا عندي موضوع يثير الاهتمام
حيث أني شاب من جعلان ويتم تمريني في قسم العلاج الطبيعي
وهناك يجب توفير مكينت تمارين لركبة مكينة لاتكلف أكثر من 200 ريال
ويتم تحويلانا لتدريب في مستشفى صور روحه وجية 3 ريال أو اكثر ونحن أكثر من شخص لعلاج وتمرين الركبة من الاشخرة والسواحل ؟ لماذا لايتم توفير هذي المكينة في مستشفى جعلان لتسهيل للمواطنين
وهذي هية المصيبة كلمت قسم العلاج الطبيعي وتم ايجابتي بانة تم أرسال رساله لمدير المستشفى قبل 5 سنوات وبعدها رساله قبل 3 سنوات وبعدها مواطنين تم الذهاب الى المدير ويقول نحن نرسل طلب ولم يوفر لنا وقال كلمنا المدير العام بصور ولم يتم توفير المكينة
نناشد وزارة الصحه
وزير الصحه ومدير المديرية في صور والمدير العام
نرجو منكم المساعدة المواطن يستاهل