|
ظاهرة البويــــــــــــــات
بسم الله الرحمن الرحيم السلام عليكم ورحمة الله وبركاتة شخباركم أخواني وأخواتي أعضاء المنتدى عندي موضوع من وجهة نظري يستحق النقاش الجاد والسموحة منكم إذا كان حساس أو فيه شي من الحساسية هالأيام انتشرت ظاهرة غريبة فالبنات"الله يستر علينا يمييع" فالخليج بشكل عام اللي هي ظاهرة"البويات" أي البنات المسترجلات يعني البنت تتشبه بالرجال سواء كان ف (البس أو الحركات او المشي.... إلخ) وتقريبا كل ماتسيرون مكان سواء المولات أو الأماكن العامة تشوف هالنوعية من البنات في هيئة شباب بطريقة اللبس والحركات... حتى قصات الشعر والأتجاة للمحلات الرجالية أكثر من النسائية.. حتى تعاملهن مع زميلاتهن يكون غير يعني البنت المسترجلة تنظر لزميلتها نظرة حب وغرام...إلخ وأكثر شي منتشرة هالظاهرة فالجامعات والكليات والحين منتشرة بعد فالمدراس.. من أسباب انتشار هالظاهرة السيئة من وجهة نظري عدة أسباب: 1- ضعف الوازع الايمانى والدينى . 2-عدم مراقبة الاهل واهمال بناتهم . 3- مرافقة بعض رفيقات السوء. 4-التقليد الاعمى والركض وراء ما يسمى الموضه وتقليد. 5-مخالطة الرجال والشباب والعمل في اعمالهم الشاقه بعضها. 6-اتجاه البنات الي الأندية التى تعلم الكارتيه ورفع الاثقال. 7-ترك البنات للزينه والمكياج وعدم مخالطة البنات ومخالطة الشباب. 8-الحريه الزائدة التى منحها الاهل للبنات وتركهم عل كيفهم. .................. قضية وحبيت اناقشها معكم واشوف رأيكم ووجهة نظركم وشو الأسباب اللي أدت لأنتشار هالظاهرة بشكل كبير ف مجتمعنا الخليجي.. والسموحة منكم ع طرح هالموضوع |
بصراحة موضوع جدا جميل .. يمكن ذكرتي الاسباب كلها .. بس اهمها قلة الوعي .. وضعف الوازع الديني ..!! هذا ليس من جانب البنات فقط .. حتى لدى العنصر الرجالي ما يسمى { الجنس الثالث } الله يعافينا من هالسموم ..!! المصيبة الحين يطالبون بحق اللجؤ ف الدول الغربية بحجة { الاضطهاد من قبل المجتمعات العربية } وان الناس فالمجتمعات العربية ينظرون لهم نظرة دونية ..!! الله يعافينا أن شاء الله ..!! فالاخير الشكر كل الشكر لطارح الموضوع ..!! |
الله المستعااان
|
صـــدقتي خيتـــي هالظاهرة منتشرة وبكثــرة وايضــا نجدها فالجنس الاخر ( الثالث ) مثل ما قال اخي الهاشمي وانا اعتقـــد انه احد هذي الاسبـــاب انه البنت قد يكون معهــا نقص فالشخصيه واعتقادها ان هذا التقليد قد يكمل هذا النقص مانقــول غير الله يستر علينا وعلى جميع المسلمين وكـــل الشكر لج اختي على هالطرح المميـــز |
يعطيج العافيه
|
هالظــآهره زآآيده بين البنــآت وآآيد وأنتـــي مجــصرتي بذكـر الأسبــآب فـأكــثر الأسبـآب هي قله الوآآزع الدينــي وضعــف الشخــصية بنظـــري طـــرح ممــيز منــج أختي نتــرقب الزوود مــنج |
اقتباس:
أخوي الهااشمي اسعدني تواجدك ع صفحتي المتواضعة أشكرك كل الشكر ع مشاركتك الراقية بس الشيخ العنصر الرجالي منتشر بقلة الحين البنات وااايد ماخذاتنها موضة هذا من غير المصايب والمشاكل اللي يسببنها لزميلاتهن |
اقتباس:
أخوي احساس راقي تسلم ع المرور الراقي |
اقتباس:
أخوي الوهم منور الصفحة بطلتك الراقية فعلاً من ضمن الأسباب نقص فالشخصية والتقليد اللهم آميييييييين أتمنى لك كل السعادة ف دنياك |
اقتباس:
الشيخة لووولووو يعلاااان ربي يعافيج ويحفظج ع المرور المتواضع |
اقتباس:
نبعة الريحان لج مني كل الود والأحترام مرورج المميز الشيخة أتمنى لج كل السعادة ف حيااااتج |
تسلمين اختي ع الموضوع
الله المستعان هذا ما يسمى بالجنس الرابع قالها احد المشايخ الله يستر من اللي حااصل |
اقتباس:
ربي يسلمك ويعافيك أخوي المنصور أسعدني مرورك الراقي والله يستر علينا يميييع |
اقتباس:
الحمدلله على كل حال .!! |
أدرـري .. هــآآآالحــرـركــآآت منتشــرـرهـ وآآيــد وبــالذآآت فـ دول الـخليـــج .. والصــرـرآآحــه أنــآآ وآآيــد شــآآيفــهـ بنــآآت جيــهـ وبهــالهيــئهـ .. واللهـ يهــدي بنــآآت المسلمـــيـن يمــيع .. ..
.... شــكـرـرآآ عـ المــوـوضــوـوع المبــدع .. .. |
اقتباس:
عافانا الله الله يستر شو بعد بينا من المصايب والله البنات معانا حتى قماش العبايه يستخدمن قماش كنادير الشباب هذا من غير الأشياء الثانيه اللي نتعجب منها أخوي الهاشمي تسلم ع تفاعلك فالموضوع |
اقتباس:
الشيخة عاشقة أبوها تسلمين ع طلتج الحلوة اللهم آمييييييييييييين |
أختي في غربتي .. البعض يقول انا من أسباب تحول الاجناس هو زيادة الهرمونات الذكورية في الأناث .. ونفس الشي للشباب .. وهو زيادة الهرمونات الانثوية لديهم ..!!
في رائي أن هذا القول عاري عن الصحة تماما ..!! يلاحظ أكثر المتحولين .. سوا من البنات أو الشباب .. ان السبب يكمن في محيط الأسرة .. أي أن نجد البنت وحيدة محاطة باخوان وليست لها تربية انثوية ضمن محيط العائلية ... وكذلك بالنسبة للذكر المحاط بأخوات وليس لدية أخوة .!.! هذا الجواب عطتني أياها للدكتورة الي تدرسنا مادة علم النفس الأجتماعي ..! أش رايكم بجوابها ...؟ |
اقتباس:
صح جوابها وهذي من ضمن الأسباب بس اخوي نحن معانا بنات هالأشياء ابد مايسونها غير لما يطلعن من بيتهن وفالكلية يتحولن واللي يقهر البنات يعجبن بهن |
انا انقهر من هالبنات الصراحه ليش مايحتفظو بانوثتهم ابا اعرف ليش هالتقليد الاعمي لا وعندنا ف الخليج اكثر اول شي عدم مراقبة الاهل ثانيا الوازع الديني واكثر شي المراهقات ..وبعض البنات يشجعونهم على هذا الشي..
اسال الله العفو والعافيه ..الحمدالله والشكر اختي تسلمين ع الموضوع ابا اتكلم اكثر بس اخاف اغلط بس احسن اسكت ويكفي اللي قلته السموحه .. |
محدن شراتي تكلمي ولا تخافي
|
اقتباس:
ربي يسلمج ويعافيج الشيخة ع المشاركة الطيبة خيتي عادي ناقشي براحتج نحن نبي نوصل لأسباب هالشي وبنفس الوقت نبي نوصل رسالة حق هالنوعية ومسمووووووووووحه بالحل |
اللي يزيد مشاكل هالنوعية من الناس انه تلقى الطرف الاخر يضحك ويمشيهم يعني لما تلقى جنس ثالث تلقى الشباب يضاحكونه ويمشون معه وكذلك للبنات فهذا الشي يعطيهم الدافع للأستمرارية لحد ما يتأصل ويتفشى المرض فيهم لو لقوا الناس ضدهم وتعاملهم بدونية كان بيتركوها او القليل منهم بيستمر فيها |
ترى المصيبة الحين بعض الدول صرحت لهم يتزوجوا فيما بينهم
ووضعت لهم حقوق وعليهم واجبات ..!! وفي دولة عربية أقرت بهذا الشي |
اقتباس:
تسلم أخوي seesaw ع المشاركة الراقية صدجت والله نحن معانا البنات إذا شافن هالنوعية يسون لها ترحيب كانه من زمان مب شايفاتنها وتعتبر الزعيم مالهن بس الله المستعان |
اقتباس:
لا عاد اسمع شو صاير قبل اسبوعين صاير عقد قران بين بنت وبنت وشوفوا وين وصلنا ومن السخافة السكن كامل محتفل بالحفلة |
عقد قران .. الحمدلله على نعمة العقل ..!!
الله بلطفك وعنايتك |
السلام عليكم...
بصراحــــــــــــــــــــــــــــــــــــه هالموضوع واااايد حلو ويا فوقته اذيه الظاهره خطيره ومدمره.... الله يحفضني حن البنات.... سلاااااااااااااااام |
اقتباس:
ربي يحلي أيامج ودنياج الشيخة والله يدوم شموخج وعزج اللهم آميييين ويحفظ يمييع المسلمين |
تسلمين في غربتي ع طرحج هالموضوع فعلا ً يستحق النقاش وهالظاهرة انتشرت بشكل كبير فالبنات وانتي واخوي الهاشمي ماجصرتوا ذكرتوا تقريباً اغلبية الاسباب الله يهدي الجميع ان شاء الله دووومج متميزة بطرح المواضيع اللي تستحق النقاش ربي يوفقج ان شاء الله |
نسيت أوضح شغلة .. لو تجي لواحد من المتحولين من الرجال .. وتنصحه بيقيم عليك الدنيا وبيقعدها .. المشكلة مب فيهم .. المشكلة من الناس الي تضحك وتسولف معهم مثل مقال سي سو .. يعني الواحد لو تجي تكلمه وتضحك بويه كأنه عيد عنده ..!!
وتعال إذا جيته بالطيب والنصح كأنك خدشت له كرامته وكانك حطيت من قدره .. !! لو تشوفوا اللقاء الي عملته قناة الرأي مع واحد متحول جنس ثالث وتشوفوا كلامه بتمسكو راسكم .. وأذكر في واحد من الجمهور رد عليه بسؤال أحرجه .. المقاطع عن هذا الشخص بتلقونها فاليوتيوب ..!! بس ضحكني وايد لما قال أنا رجل بس بحس حالي من داخل أني أنثى ..!! |
مرااااااااااااااااااااحب الموضوع جدا مهم ولابد من نقاشه وانت أختصرت علينا
البويات خاطري من صدج أعرف ليش ان الوحده تتجه ها الاتجاه والعكس صحيح شو الداعي مع ان الله كرم كل الناس ع حد سواء سوى امرأه او رجل والمصيبه الكبرى أنها أخذت أتجاه مغاير وهو المطالبه لهم بممارسه حياتهم بكامل الحريه والسماح لهم بالزواج من بعضهم البعض |
الله بثبات العقل بس نقولهم
ماراضين بخلقه الله ولا مايسو كذا بس الله يستر علينا وعليهم |
بس والله لو خلينها على المدى البعيد إلى متى راح يكون على هذي الحالة .. فالاخير راح يملو بعضهم ..!!
|
اقتباس:
أختي غزاال ماينصاد بصمتج فالصفحة هي المتميزة اتمنى لج السعادة |
اقتباس:
والله يا خوي كلامك صحيح وتعامل الناس معهم وهو اللي يشجعهم على هالطريق هذا اللقاء شايفتنه من فترة فعلا يضحك كلامه وبصراحة شكله مقزز الله بالعفو والعافية |
اقتباس:
والله ياخيتي جلة العقل تسوي وااايد الله يستر من اللي ياي تسلمين ع المرور الطيب |
اقتباس:
الشيخة الشرقاوية مشكورة ع المرور |
اشكرك اختي ع طرحك للموضوع وبصراحه موضوع جيد نتناقش فيه
وطبعا ياما سمعت وقريت عن هالسالفه وللاسف وصلت للمدارس وصارت عاده متشره بشكل فضيع عافا الله البنات من هالعاده المشكله من وجهة نظري الشخصيه تبدا من البيت لانه عدم مراقبة الاهل للبنت مثلا ماذا تشاهد من افلام ولا ننسى دور الغرب ف توصيل هالشئ الينا من خلال افلامهم الماصخه والعاريه وطبعا هنا لا اعمم ع البنات ككل وانما البعض يتابعهن هالافلام بصفه مستمره ويدخلن النت والنت فيه المفيد وغير المفيد طبعا البنت يحصل معها رغبة ف التجربه فتبحث عن وسائل وتبدى اعجابها ببنت ثانيه وتسميلها باسلوب ذكي يجعل البنت الاخرى تنجرف لها وهنا نرجع لشئ اهم وهو قلة الوازع الديني وبعد البنات عن الصلاه واتبعاع المحرمات والشهوات وطبعا كل بنت تتكلم مع الثانيه عن هالعاده وتزيد ف الانتشار وهنا للاسف البنت حكمت العاطفه ع العقل وانتهجت طرق لتمارس هالشئ بشتى الطرفق مع حبيبتها او المثل بالمثل اتمنى من الاهل او شخص يحاول يراقب اهله فيما يشاهدون ويتكلم معهم والعلم ليس به حياء اسف طولت عليكم |
الله يكفينا هالعادات الغربية
|
| الساعة الآن 07:47 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][