|
القيل والقااال
حبيت اطرح لكم موضوع اتوقع من اهم الموااضيع ف مجتمعنا العربي وممكن يكون مكرر وهو ((القيل والقال )) ماتلاحظوا ان اغلب المجالس صارت حش ونميمه وغيبه على الناس سواء مجالس حريم ولا مجالس رجال صار هالشئ منتشر عندنا اكثر من مجالس ذكر الدين والاسلام مب ملاحظين عندي انه لما يكون 3اشخاص جاعدين يسولفوا ويروح واحد الاثنين يتكلمون عليه وقال كذايه وسوى كذيه... حتى كثرت المشاكل بين الاهل بسبب الكلام ومراات لدرجة اللي مار عليهم لا ابد من وجود تعليق عليه مب حراام ..؟ عشااان كيه حبيت مشاكرتكم في توجيه كلمه الى هذا النوع من الاشخاص... و هيش هو موقفك أذا صادفت شخص يتكلم عن ناس تعرفهم أولا تعرفهم بدون مرعاة لخصوصياتهم وحروماتهم ...؟ والسموووحه كتبت الموووضوع بلهجتي العاميه |
موضوووووع جميل وهادف
وطرحك ماا عليه كلاااااام معك حق ف هالنقطه وااااايد الاحظ مجاااالس من هالنووووع معرف شووو يستفيدووو من الحش ف الناااس والتدخل فيهم الا الذنوووب صااا معهم مثل الشي الروووتيني بس الواااحد مااا بيده يسوووي شي الا انه يبعد عن هالمجااالس تقبل مروووري البسيط يعطيك العافيه |
اقتباس:
بس اعتقد انه مفروض منا اكثر من الابتعاااد على الاقل النصيحه لما نشووووف مثل هالحاااله جدامنا |
صحيح بس فيه ناااس مااا تفيد معهم النصيحه حتى لووو نصحتهم مااا يفيد معهم
مااا بتسلم من لساااانهم مااا عندك حل الا نه تغير ف قلبك وتبعد عنهم |
اكيد مب الكل تنفع عنده النصيحه. بس الواحد يسوي اللي يقدر عليه
|
اكيد وكلااامك عين العقل
|
مشكوووره اختي عالتفاعل
يعطيك الله العافيه |
موضوعـ مهمـ أخيـ الكريمـ ويستحق المناااااااقشة ولي عوووودة إن شاء الله تحياااااااااتي لك |
تسلمييين اختي وفي انتظااار عودتك وتفاعلك معنا
|
َ
لِقَاءُ النَاسِ لَيْسَ يُفِيْدُ شَيْئَاً سِوَى الإِكْثَارِ مِنَ قالٍ وَقِيْلِ فَمَا أَنْ أَسْمَعَ أَحَدَهُم بِذِكْرِ فُلانٍ مَا بِشَئٍ مِنَ الأَسَالِيْبِ الغَيْرِ أَخْلاقِيَّةِ وَذِكْرِ عُيُوْبِهِ ، أَمْتَعِضُ لذَلِكَ وَأُطَالِبَهُ بِالتَوَقُّفِ عَنْ ذَلِكِ !! إِلا أَنَّ هَذِّه العَادَةِ أَصْبَحَتْ طَقْسَاً مِنْ طُقُوْسِ الحَيَاةِ الَتِي لا غِنَى عَنْهَا عِنْدَ ضَعَّافِ الإِيْمَانِ الذِّيْنَ يَعْتَرِيْهُمَ الفَرَاغُ وَيَقْتُلَهُم شَرَّ قَتْلٍ !! وًَدُمْتُم للوَطَنِ وَهَجٌ سَاطِعٌ |
تسلمين اختي وهج جعلان عالمداخله الطيبه
يعطيك الله العافيه |
صلة ارحامي تقطعت بسبة قيل وقال
صداقات عمر يتفرقت بسبة قيل وقال ياما مواقف وتجارب مرّت علي بحياتني وخربت عليي بسبة القيل والقال يا عالم يا ناس .. قبل لا تسمعون كلام من اهني وهناك تأكدوا منه وتأكدوا من هاللي موصّل لكم هالكلام الدنيا دواره ترى مو كل ما ينقال يطلع صحيح ليش كل ما سمعنا شي سيده صّدقناه من غير لا نتأكد ونشوف بعيونا الناس ما همها غير فلان سوا كذيه وفلانه سوّت وقالت كذيه وتقلـّب الكلام صار شي لا بد منه والله هالموضوع وايد اثر فيني وايد تعرضت لمواقف بسبب القل والقال الله حسيبهم الله يعلم بكل شي كل الشكر لك عالموضوع |
تسلم اخوي فوفو عالمرور
صدجت اغلب المشاااكل هالايااام من القيل والقال الله يبعد عنا هالناااس |
موضوع جميل وهادف واتمنى ان تنتهي هذه الظاهرة من مجتمعنا وان كان من الصعوبه ان تنتهي فهى في تصوري من اطباع الانسان التكوينية التي به فهى صفه لا ارادية من وجهه نظري الخاصه وتقبلي مروري واشكرك على الطرح |
انا عندي حل افضل
ان الواحد يكوووون في حياته عملي وقتها ماراح يحصل فرصه انه يتكلم على غيره وراح ينشغل بامره فقط .... |
كلامك كله صح وخآآآآصهــ عند الحريم
أآأآأحم أآأآأآحم ترى حتى أآآأآأنا احش بس مب دوووووم هههههه |
لا يكب الناس في نار جهنم إلا حصائد ألسنتهم ...
إذا حد تكلم عن شخص بسوء ... اقدر اغير الموضوع ... اوامنعه من الحديث عن الاخرين بالسوء ... والأجمل لما يكونو مجموعة الأصدقاء أو الصديقات يتفقن على كلمة .. علشان اذا احد فيهم غلط وتم يحش او يتكلم بسوء على الاخرين ... لما احد يقوله هالكلمه يفهم أنه غلط ولازم ينتبه لروحه ... من غير ما يحسوا الآخرين ... فيكون شي خلو أنه نبتعد عن الغيبه والنميمه .. بدءاً بأنفسنا ومن حوالينا ... وبعدها ربما هم سيأثرون في الىخرين وهكذا وشكرا أخي ... |
اقتباس:
سعدني مرورك |
اقتباس:
بس ما عتقد ان العمل هو الحل يشغل كل وقت الشخص اشوفها صعبه لانه مهما صار يحتاج الشخص للجانب الحياتي الجانب الاخر غير الشغل |
اقتباس:
الحش وااايد بس صارعن الشباب والحريم مب الحريم بس. |
اقتباس:
يا ليت النااااس تسوي هالشئ سدني مرورك |
| الساعة الآن 04:26 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][