|
رد على راشد بن شملان في موضوعه عن القبائل
السلام عليكم ورحمة الله وبركاته
-------------------------------------------------------------------------------- الجنيبي(الجنبة): هم بنو يزيد بن حرب بن علة بن جلد بن مالك (مذحج) بن أدد بن زيد بن يشجب بن عريب بن زيد كهلان بن سبأ بن يشجب بن يعرب بن قحطان ابن هود عليه السلام، ومن فروعها في عُمان القبائل التالية: الغيالين : ومنهم آل جويد..و آل ريا والكواسب ... الخ المخانة : ومنهم ..اولاد مبيروكوه...البهاونه...عيال ود ربيع..الخ العراما : ومنهم الحتارشة ..واولاد خاطر والحشار والحربيين ..الخ قبل ما تكتب أي شي ياخوي اذكرلنا الكتاب اللي يايب منه المعلومات طال عمرك أنا بخبرك قصة الجنيبي وليش سمي بهذا الأسم وبنبدأ بالقصه الحين كان يامكان في قديم الزمان وفي سالف العصر والأوان كان في واحد ساعدي ياي من الجازري إذا اتعرفونها وعاش في دبي وكانوا الناس يقولون عنه أو يلقبونه بالأجنبي لانه غريب عليهم ومن بعد فترة أصبح الناس ينادونه بهذا الأسم ومنه ياي أسم الجنيبي يعني يا عمي الواحد لازم يعرف أصله ولا يحط ولا يتكلم عن القبايل إلا لو كان من هذه القبائل ويندرج أصل الساعدي من سلالة بني قحطان أي أباً عن جد أصوله عربية ومن شبه الجزيرة العربية وحتى أنه كان في تحالف كأبن عم وغير ذلك بين عيال جابر أي الساعد(الجنيبي) و وعيال محمد(ققبيله الصيعري) و عيال محمد خانتني الذاكرة نسيت هم أي قبيله بالضبط على العموم ياخوي لا أنا حبيت أنوهك وأنبهك بهذي المعلومه القيمه عن قبيلتي اللي أفخر بها ولا ارضى عليه أي غلط مع تحياتي الــسـ الجنيبي ــاعدي |
اقتباس:
اليــــــــــــــــنيبي ع رأسنا من فووووق اخوي راشد بن شملان ما اعتقد غلط ف شي ذكر النسب ابا عن جد اللين وصل الى نسب نبينا هود عليه السلام وذكر القبائل التي تضم الينيبي ومنها الساعدي وكل قبائل الينيبي عز وفخر السموحه |
هو ما ذكر أنه الساعدي ينيبي وأنا هالشي صدمني إذا هو ما يعرف أو أنه مب متأكد من القبائل صح لا يطري هالموضوع من الأساس
|
اقتباس:
شو الفرق بين المخانة والساعدي اظن نفس الشي؟؟ |
صـــــــح ألسانك أخوي وأنا ما قلت شي ولا طريت حد بس أنا حبيت اعطيكم هالملحوظه وبعدين مب كل حد يعرف عن القبايل يعني إنته لو قريت الموضوع مابتحصل الساعدي اللي هو أصل الينيبي وأدي أنه الساعدي وهو المخيني بس مب كل حد يعرف هذا الموقع على النت ياخوي يعني أي متصفح أو أي حد يبا يعرف عن أي قبيلة بيلقى أنه قبيلة السااعدي منفصلة عن الينيبي وهذا اللي خلاني اكتب وارد على الموضوع
|
http://up5.m5zn.com/photos/00117/907tonp1gkcs.jpg ولنعم ب الينيبي وب الينبه كلهم.. وللنعم ب كل القبايل.. وهالموضوع قديم وصارله زمن!! وماندش اي منتدي الا نحصله موجود!! ومدري ش فيكم ع الريال كل يومين نحصل احد كاتب موضوع ردا ع موضوع بن شملان.. ردا ع موضوع بن شملان!! وهالموضوع"موضوع القبايل" قدييم واايد.. وانا اشوف انك عضو يديد ^_^ ؟؟؟ ولكموووو اخوي الـــســ الجنيبي ـــاعدي ونترياا مشاركتك ومواضيعك وتفاعلك.. http://up5.m5zn.com/photos/00117/272dcax97agl.jpg |
تسلمين أختي على المرور الطيب
|
اقتباس:
من وين هالمعلومه بالاحمر ارجو التوضيح؟؟ |
فديـــــــــــــــــــت الشيبة اللي عندي وربي يحفظة ويطول عمره هو الساعدي يعتبر مخيني بس لو قلت الساعدي يعتبر كاسبي بتقول لا ولا غيلاني ولا أي قبيلة مع احترامي والساعدي هو الأساس في قبيلة الينبة ياخوي
في أيام قبل استوت تحالفات يعني مثلاً الكواسب متحالفين مع الغيلاني فهالقبيلتين بتلقاهم دووووم مع بعض بس الساعدي هو أساس الينبة |
اقتباس:
الله يحفظ الشياب كل القبائل اللي ذكرهن اخوي راشد اصل ف الينيبي |
مراحب اخوووووي الكريمـ
بن شملانـ ماقصر واعتقد ماغلط ع اي احد الرجالـ كفى ووفى والنعمـ ف الينبببببببببه اخويـ وف الاخييييير كلنا عبيد الله |
اقتباس:
بن شملانـ اكييييييد جايبنه من مصدر موثوووقـ ومن يدش بيجيبلكـ المصدر بس انت وين مصدركـ |
اقتباس:
وهذا أكبر دليل وأفضل مصدر ليش انته تعتقد كل الكتب والمصادر موثوق منها ؟؟؟؟ |
اقتباس:
ع بالكـ بن شملانـ جايبنه من راسه موضوع القبائلـ اكيد المصدر عنده |
ونعم في عيال جابر بس انا اشوف انكم واااااااايد مكبرين الموضوع لو بعدكم من ال نهيان بنقول ما عليه |
اقتباس:
|
اقتباس:
لكن كل قبيله لها مكانتها ف عمان واصلها ولا تقارنا بال نهيان لان مكانتنا اعلى من مكانتهمـ، هذا كلام الكتب والتاريخ اخوي |
القبايل وعلم القبايل هذا كان علم معروف له اهميه عند العرب وانا احس ا نننا الحين ما صرنا نعطيه اهميته ومفروض نهتم به وايد بس مب عشان نقول انا من القبيله الفلانيه وفلان اقل مني وانا من عروق الفلانيه ولي باع في القبيله الفلانيه بس لانه من الطيب والجميل انه نعرف شو اصلنا ومن وين يايين ومن اجدادنا وشو انجازاتهم وصيتهم ولا فرق بين عربي واعجمي الا بالتقوى فارجوا من الجميع ســـــــاعدي وجنيبي علوي ومخيني وكاسبي وبوسعيدي ونهياني والي يكون يحترم الثاني ويفتخر بنفسه بطريقه حلوه بدون تكبر وسالفه انه قبيلتنا اصل قبيلتكم ها علم هات مصادرك الموثوووووووقه واثبت كلامك بالبرهان وماحد راح يقدر يقول لك ثلث الثلاثه كم يا اخي الكريم
وتقبلوا مروري وسلامي للســـ الجنيبي ـــاعدي ولابن شملان الي الصراحه ما سوى شي عشان هالشوشره هاي كلها |
اقتباس:
والنعم بالنعيمي راعي صوغان والنعم ف ال نهيان |
اقتباس:
الصراحه فالبدايه ما كنت أبي أشارك فالموضوع انا اذكر فموضوع بن شملان ما قصر ونفس الحاله أنا حطيت القبايل اللي اهوه نسى يحطهم وحطيت المصادر ومابغيت أزود فالكلام بس ملاك جعلان الله يحفظها صدمتني بكلامها عن آل نهيان إذا انتي اتشوفينهم ناس عاديين نحن انجوفهم فدنيانا كل شي آل نهيان وعلى راسهم الشيخ زايد ربي يرحمه بدون لا أذكر انجازاتهم إذا مب فالماضي فالحاضر والواحد مايمدح عمره وايد أحسن شي يبين اهوه شو سوى لأنه يدانا اتوفوا وراحوا والحين الدور علينا انكمل اللي سووه مب نرمس عنها ونحن خرطي انخج بانجازاتهم ونحن يالسين فمكانا يعطيك العافيه الساعدي |
اخوي راعي صوغان.... ال نهيان شيوخي على عيني وراسي... وربي يرحم ابونا زايد ويغفر له.... بس اسمحلي ردك كان فيه تقليل من جيمتنا.... وانا مارضاها الصراحه.... اخوي الساعدي الجنيبي... على حسب ماعرف انه المخانه جبيله بروحها... والساعدي جبيله بروحها....حاليا بس سابقا يمكن سابقا كانو جبيله وحده |
والله حاله راعي صوغان؛؛؛
ويش دخل ال نهيان عشان تذكرهم فالموضوع!!! وما من حقك تقلل من قيمة احد؛!!! وكل قبيله ولها قيمتها ومكانتها!!! وفالاخير كلنا من آدم وحواء!!! وفالأخرة ما نتحاسب بقبائلنا نتحاسب بأعمالنا "إن اكرمكم عند الله اتقاكم" |
الموظوع صارله 7 شهور وياسبحان الله جاي الحين تناقش وترد وانا ماقللة في اي قبيله وكل القبايل والنعم فيها وانا خوالي الجنبه يااخي الكريم لاتغرس الفتن ::وشوف في قسم الشعر "مدح قبائل جعلان" وبعدين تعال رد ع الموظوع
|
مب كـــــــــــــل من هب ودب صــــــــار ينيبي ترى كثــــــــــرانه الينبة هاذي الايـــــــــــام وانا ايد اخــــــــــــــــــووويــــــــــــ... الســــــاعدي الجنيــــــــــبي واعتقــــــــــد انه هـــــــــــــو ما غلــــــــــــــط فحق حــــــــد مب كـــــل شي فيـــ.... القـصايد وكتــــــــــب هالايام صـــــــــــــــــحيح وخــــــــــــــــلك دووووووووووووووووم يـاخوي الجنيبي الساعدي فـــــــــــووق ونــــــــــــتريا كل يــــــــديدك ومـــــرحبــابك في منتدى جعـــــلان |
عذرا....
اقتباس:
عذرا أختي إذا غلطت بحق أل نهيان ومثل ما قلتي ال نهيان على راسنا ونغليهم مثل ما نغلي اهلنا بس راعي صوغان زودها شوي عشان جذا غلطت ومن دون قصد وأقد اعتذاري من جديد |
علامكم ؟؟؟
صلوا على النبي |
اللهم صلي وسلم ع نبينا محمد ما صار شي كله كلام تره تحيه لراشد بن شملان والساعدي |
اللهم صلي وسلم على سيدنا محمد
اختي الجنيبية ملاك جعلان قد تكون بالغت في وصفها بس من حقها تفتخر بقبيلتها وكلنا نعتز بمكانة قبائلنا ونعتبرها اعلى مكانة من غيرها محد يقلل من ال نهيان والنعم فيهم بس ما يحق لراعي صوغان يقلل من قيمة قبائل الاخرين بعد!!! ومن حق كل واحد فينا يفتخر بانه قبيلته اعلى مكانه لكن ما يوصل للحقد والحسد والتفرقة طبعا ارجو ان تتقبلي مداخلتي بصدر رحب كل القبائل ولها اصل الساعدي الجنيبي وراشد بن شملان ما قصر تسلموا |
اقتباس:
اللهم صلي وسلم على سيدنا محمد أكيد كل واحد له الحق يفتخر بقبيلة نحن ما قلنا شي بس مب على حساب قبيله ثانيه وعن راعي صوغان أنا مايخصني برده عسب اتحاسبني أنا رديت على ملاك جعلان كإماراتيه فقط وبن شملان ماقصر فموضوعه وفالقصايد اللي يطرحه. |
حتى العجوز الى وراء شط بغدد سمت علا الشيب الفلاحي ولدها تبغاه يطلع مثل زايد وما فاد مب كل .......... الله يهديكم ويصلحكم وانتوا فهمتوا غلط ونعم في عيال جابر للعلم عيال جابر خوال جدي راشد |
والله حااااااااااااااااااااااااله
صايريييييييينـ مثل الاطفاااااااااااااال يدوووروووون سبب عشان كل شخص يغلط ع الثاني كل ابونااااا واحد وامنااااااااا وحده سوااء عيال سلطااانيا قابوس بن سعيييد او زايد ال نهيااااااااااان ترى مايفرق وكل واحد حر يمدح قبيلته ربي يهديييييييكم ويهدينا |
اقتباس:
سمحيلي أختي ملاك جعلانـ .. ردجـ ما عيبني وبعدينـ القباايلـ وحده سوا عدنا ولا عندكمـ ... وكلـ قبيله على راسنا منـ فوووقـ بسـ ما لا دااعي نغلط على بعض |
الموضوع للغلق
وراح اوجه رسايل تنبيه وكل حد يعرف هو من وابن من واصله وفصله وبدون تعالي قبيله ع قبيله ولا داعي للتقليل من قيمة اي شخص واي شخص راح يتكلم عن القبايل اقصد بالسخريه والاعتلااء الاداره راح تتتصرف تصرف ثاني |
| الساعة الآن 06:01 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][