|
•?[¦!• أسمـــ،،ــاء من حيـ،،ـاتي •!¦]?•
السلام عليكم ورحمه الله وبركاته
. •?[¦!• أسمـــ،،ــاء من حيـ،،ـاتي •!¦]?• بسم الله الرحمن الرحيم تحيطنا أسماء كثيرهـ فـ حياتنا ونعيش معاها ونتداخل بينهم وجودهم ضـروري بالنسبهـ لي ... وفـ موضوعي هذا حبيت ابين وجهة نظر بسيطهـ لكل اسم ضروري ..!!! •?[¦!• زايد •!¦]?• من منا لا يحمل هذا الاسم في زوايا قلبه ؟؟ من منا لم تبك عيناه على رحيل القائد والأب والمعلم وقد رحل وبقيت انجازاته شاهده على عظمة منجزها وبقيت اقواله !! مشاعل تنير لنا الطريق نحو مستقبل أفضل فقد كان معيناً وناصراً لكل مظلوم وحكيماً فذاً..!! ندر مثله في هذا الزمان وبقى رحمه الله نبعاً معطاءً يفيض كرماً .+. أسال الله العزيز القدير أن يتغمده بواسع رحمته ويدخله فيسح جناته .+. •?[¦!• رفيقة دربيـ •!¦]?• فتاهـ يمكنها فهمي ... هي توأم روحي .. لم أشعر قط بالوحدهـ وأنا بجانبها فـهي دائماً بجانبي في أحزاني وأفراحي .. كثيراً ما ارمي عليها بأحزاني وأفراحي فأجدها البحر الذي ارمي فيه همومي وارتااح ..!! •?[¦!• مجله ماجد •!¦]?• كنت كل يمعه اسوي حفله عشاان اشتريهاا..ادق حق راعي الدكان عشاان يشتريلي اياها او يطرش رااعي المجلات بيتنا..ويووم ايينا راعي المجلاات اقووله كل اسبووع تعاال..>> بس يطلع صومالي ما يخطف وكل ما ارووح المستشفى لازم اشتريهاا.. ومراات ادق حق بنت ييرانا اطرشلي مجلتهاا اذا ما قدرت اشتريهاا.. بس الحين خلااص كبرناا..وصرناا على زهرة الخليج وغيرهاا.. •?[¦!•بندر غاليـ •!¦]?•:11: راعي الدكان ... الهندي ... كنا كل يووم نطيح عنده ف الدكاان انا وبنات الييراان.. وكاان دووم يناديني بندر غالي مدري ليش..واناا اعصب واحتشر عليه..عقب خبرت اخووي وهزبه وقاله لا تاديها بهالاسم مره ثانيه.. عشاان جي انا الحين اسميه بندر غالي.. •?[¦!• رومان •!¦]?• اسم غريب نوعاً ما لا تستغربوا.. هذا هو الخياط العبيط الذي أتعامل معاهه..والله انه يرفعلي ضغطي كل ما اسيرله..لااازم كل مره نطلع فيها كناديرناا نتضارب معااه..بس المشكله انه كناديره حلوه..بس يخربهن ع الزحمه..ودووم اقوله اخر مره افصل عندك..بس ارد وافصل عنده.. •?[¦!• مايكل •!¦]?• هذاا يسموونه استااااااذ..بس اناا اقوول انه ظاالم..لانه هالكوورس كنا 8 بناات ضحياته>> مرسبناا.. لانه سخيف ومخلنه Boss ع الفااضي..ونتيجة ترسيبه لناا اترقى.. عااااااااد اونه استركت وجي.. اللي اقدر اقوله عنه:( Evil Teacher36_1_17[1]. . وهذه بعض الأسماء من حياتي [/size] فأنتم هل توجد لديكم اسماء ف حياتكم؟؟[/B][/align][/QUOTE] |
والدي:
كل ما اسمع اسمه او يمر على خاطري او اكون معه وجها لوجه اصبح اكثر قوة كيف لا وهو من علمني الكفاح والصبر لنيل المراد اصبح اكثر ثقة في نفسي لانه الثقة باكملها والدتي: معاني الرحمة والحنان تتجسد في اسمها وفعلها وكل شي في حياتها ومهما قلت لن اوفيها حقها فالجنة تحت قدمها ان ارضيتها نلتها وان اغضبتها فقدتها اخي: نعم الصديق والرفيق والاب عندما تسأله فانتظر مبتغاك ليأتيك لمجلسك وعندما تستشيره فنعم الاختيار فالصواب حليفه بتوفيقا من الله اختي: اعجز عن وصف محبتها ورأفتها اتجاهي ومهما قلت لن اوفيها حقها ومع ذلك اقول لها انتي عيني وقلبي وما عندي هو بالفعل عندك فانتي معلمتي أستاذي: من علمني حرفا صرت له عبدا فكيف وان علمني حروف لا يمكن ابدا تجاهلها فهي لغز شخصيتك في تعليمك وتعاملك مع الناس المدرسة: بيتي الثاني بعد منزل ابي وامي اليها مأوي كان كل يوم لاتعلم علما قد يكون شفاعتي يوم القيامة الجامعة: كم انتظر ذلك اليوم الذي سوف اكون فيه من مقدمة الخريجين الذين يستلمون شهاداتهم ليكونوا فخرا لوطنهم ووالديهم وعائلتهم |
اقتباس:
خلاااااااص تماااااام .. تراااااني بحجزلك مكااااااااان..لاتنسى.. |
اقتباس:
الله يخليلك اهلك ويحفظهم..ويجعلهم ذخر لك وتكوون ذخر لهم.. والاستااذ يستااهل منا كل تقدير واحتراام.. والله يوفجك ف درااستك وان شااء الله تكوون دووم ف المقدمه.. |
[COLOR="RoyalBlue"]امايه
انسانه اكثر من رائعه عاشت شبابها عشان نكون افضل البشر وتربينا على القيم والعادات تركت كل شي وراها وتفرغت لي ولاخواني ابوي ماحد يقدر ينكر فضل الاب عليه بحياته الي شال كل ثجيل فوق جتوفه وعاش حياته عشان ما يحرمنا من شي ولا نفكر بشي وما نلاقيه جدامنا ابله لينا كانت مدرسه الانجليزي بالصف الرابع اعجابي بها كان سبب اني حبيت ا للغه الانجليزيه وخلتني اشد حيلي وتفوقت بسببها مع ان اعجابي لها كان بسبب تأنقها الزائد وجمالها ابله هدى بسببها عرفت ان الدنيا فيها منافقين وخلتني ادرك انه مب كل واحد يضحك بوجهك يحبك ويبالك الخير كانت منافقه من خاطر ربيعتي الغاليه كانت معاي من صغرنا وتمينا ويا بعض بمرور السنين مب الايام ودايما كانت جنبي بافراحي واحزاني وعمرها ما حسستني اني وحيده بهالدنيا حتى بحالات هياجي وانفعالي خلتني احس انه ممكن الواحد يلاقي صديق يسمعه وينصحه ويرشده للصواب اختي الي اصغر عني دايما كنت متهوره بس اذا صار وكلمتها احس انها فاهمه الحياة اكثر مني وكانت اعقل مني <<<<< عاد لا تقولون عني مينونه بس هي كانت لها قناعات بالحياة صراحه تقنع الواحد بالصواب وان هذه هي الدنيا مب مثل ما كنا نتخيلها يعني توعينا على الواقع حتى لو كان مرير عشان نصحى من اوهامنا خالتي كانت دايما ومازالت تسولف لنا وتنصحنا بخصوص صلاتنا وعبادتنا وكانت بعد تنشد لنا اناشيد على قدها وقد تعليمها البسيط بس كانت توعين على عبادات تناسيناها مثل قراءه القران والسنه وسيره الرسول عليه افضل الصلاة انسانه غاليه عليه بفتره بحياتي كان اي امل بحياتي صار سراب وما كان لي اي دافع بحياتي كرهت حتى نفسي بس هالانسانه رجعت لي شغفي للحياة وطلعتني من حالة الياس الي كنت فيها وانا بظل دوم شاكره لها واتمنى ما فترق عنها فديتها ربي يخليها لي [/COLOR] مشكوره دندونه على الموضوع فشينا فيه خلقنا هههههههههههههه |
اقتباس:
هههههههه زين والله.. |
36_1_38[1].اهئ اهئ..
وينكـــــــــــــــــــــــــــــــــــــــــــم؟؟ ؟؟؟؟ شووووووو ما عيبكم موضووووعي؟؟36_1_10[1]. عالاقل جاملووووني شوي..>.< |
•?[¦!• رومان •!¦]?•
اسم غريب نوعاً ما لا تستغربوا.. هذا هو الخياط العبيط الذي أتعامل معاهه..والله انه يرفعلي ضغطي كل ما اسيرله..لااازم كل مره نطلع فيها كناديرناا نتضارب معااه..بس المشكله انه كناديره حلوه..بس يخربهن ع الزحمه..ودووم اقوله اخر مره افصل عندك..بس ارد وافصل عنده.. ههههههههههههههههه هذا هو إللي طايحه فيه انتي وذيبوه والله انا ماعندي حاليا او مافكرت بفكر وبرد لموضوعج |
هههههههههه..
شنسويبه الصرااااحه انه فناااااااان بس يرفع الضغط.. خلااااااص فديتج فكري وردي.. اتريااااج.. |
موضووع فنان بصراحه
"خليفه" اب و اخ والاكثر صديق يشرفني اني ولده ويشرفني لما يعتز بي عند ربعه ومثل كل اصدقاء يحصل سوء تفاهم لكن مايدوم غير ساعات "امي" يكفي انها امي "زايد" علمنا معنى حب الوطن ومن اقنعنا بافضل طريقه كيف نحب وندافع الوطن بـ كرمه "معتز" انسان فاهم الحياة لولاه لخليت الوظيفه ويلست بطالي فهمني انه مستحيل انك تلقى شي كامل في حياتك "م" زميلة عمل حالتها علمتني معنى الاسره المتكامله وان الاسره المتشدده او الاسره المتفهمه والمتدينه ابرك من الاسره المعاصره "محمد" صديق رحل للخارج قبل انه يعتذلي واتمنى اني اشوفه وانا اعتذرله من صوبي "مؤيد" زميل عمل ومعنى الكئابه انسان علمني معنى كلمة " الحياة حلوة بس نفهمها " اشكره لانه غير حياتي |
دندوونه رررروعه الموضووع ..احس جيه خليتني ادور للناس الي حولي والي لهم قيمه ..
لي عوده الغلا ^^ |
اقتباس:
|
اقتباس:
فديتج انتي الاروع.. هههههههه..يلللا دوري حولج وخبريناا عنهم.. اترياااااج..^^ |
وينكم شبااااب وبناااااااات..؟؟؟
يللاااااااا اتريااااااااا ردوودكم^^! |
no comment>.<
|
اختي وقفه من الذاكره .. الصديقه في وقت ضيجي في وقت خذالان اصدقائي في كل حين في كل حفر اقع فيها هي اليد المعين .. صديقة الثانويه .. وقفه من الذاكره ..انسانه تحب الخير للغير اكثرر مما تحبه لنفسها.. وصادف ان بدتي ع نفسها في امتحانات ايام الثانويه ..كنت امر في ظروف وهي كانت تتصل واتأزرني وهي الي كانت ادرسني بدال لا تدرس روحها ما انسى فضلها ..للاسف فرقت امبينا الايام وانتهت العلاقه الي بدت من الاعدااديه وانتهت في دخولي للكليه .. امي وابي وقفه من الذاكره .. ولا حررف بيوصف ما فعلاه اتجاهي.. نانا وقفه من الذاكره .. خادمه ولاكنها صديقه وهي في عمري .. استناس عليها من كل النواحي .. قريبه مني ..ولها ستايل مميز .تساعدني في الدراسه .. تحل لي واجباتي .عندها مهاره في الاشغال اليدويه . وفعلا بفتقدها يوم بترد بلاها فلبيين .. وعد منسي وقفه من الذاكره .. شخص مويود في منتدى اخر.. وهو الي شجعني ع كتابت الشعر كان يجاريني ويحمسني في شعري ويمدني بالثقه انه ما ااكتبه جميل ولابد من اني اطورر .. ف يعود الفضل له في تطور كتاباتي الي هذا الشخص الي لا اعلم سبب اختفائه عن ساحة المنتدى.. اختين في الله .. وقفه من الذاكره .. صديقتين عرفتهم من سنه تقريبا .. ولاكن فعلا جني اعرفهم من سنيين .. اول شخصين افتح لهما قلبي واخبرهم بأسرااري المكنوونه ..واول شخصين يعرفون شخصيتي بدون اي كلمه من صوبي.وفعلا ها الاختين الي لا استطيع ان استغني عنهم .. وانه فراقهم سيسب لي انكسار قوي .. شلة الفرفشه .. وقفه من الذاكره شله الله لا يفرقنا .. احبهم بشكل كبيرر ومنهم( محد يروملي) .. فرفششه وخرشه وسوالف ..وحب الخير لبعض اجمل شله ..لهم وقفه مع الذاكرره فعلا .. مس حنان.. العن مخلوقه ع الارض واجهتني ..فعلا عانيت يوم كانت ادرسسني ومب بس للاسف غيري للحينه يعاني والحمدالله يوم افتكيت منها فعلا ما اقدرر انسى لها وقفه شنيعه في الذاكره .. وشيء بعد بس تعبت لوول ..^^ وتسسلمين الغلا دندوونه ع الموضوع فعلا موضووع يستحق التقيم .. |
اقتباس:
بس حبيت اعلق على نانا الفلبينية انه الفلبينيين معروفين بالمهارات اليدوية في كثير منهم يشتغلوا في الشركة اللي ندرس فيها لكن ما شاء الله مغطين الضوء على كل واحد |
تسلمين دندونه ع الموضوع الروعه
والله فتحتي علي جروح بس قلت لازم ارد ابويه ,.الله يرحمه ويغمد روحه الجنه,. الشخص اللي افتخر اني ولده ودوم اذا حد سالني منو انت اتعمد اقول ولد فلان بن فلان وطبعا اشوف ترحيب اللي يبرد الخاطر ,.امايه., الله يطولي بعمرها والله اني بلاها ما اعرف شو بيستويبي .,اخويه العود,. الله يخليــــــــــه لنا والله البيت بلاه ما يسوى ويهمني رايه ف كل شي بسويه يعني ما اقدر اسوي اي شي بدون ماخذ شوره وااايد ناس بعد مهمين ف حياتي ولهم بصمه بس الحين فيني رقاد يمكن ارد عقب يحفظج ربي |
عكس قانونه:(
اختج >>الله يخليها لج وتكوون سند لج ف كل وقت.. صديقة الثانويه >>تستاهل منج هالوقفه..وربي يجمع بينكم مره ثانيه.. امج وابووج>> صدقتي والله..وربي يطول ف عمرهم.. نانا>> هههههه يحليلهاا شكلهاا واايد طيوبه.. وعد منسي>> الصرااحه اثر فيني واايد..يستاهل منج هالوقفه..وعسى المانع خير ان شاء الله.. اختين ف الله>> الله لايحرمكم من بعض.. شلة الفرفشه>> واااو ونااسه..الله يديم هالونااسه على شلتكم ولايحرمكم من بعض.. مس حنان>> هههههه..ما نقدر نقول الا الله يسامحهاا.. يسلم غاليج غنااتي..والله لايحرمني من ردوودج.. |
راعي سمـــحه:(
الوالد>> ربي يرحمه..الوالد راح وانت تفتخر بأنك ولده..وعليك انك تكمل دربه وتبيض الويه جدااااام النااااس.. الوالده>> ربي يطول بعمرهاا .. اخوووك>> الله يحفظه لكم.. ويكووون لكم سند وذخر.. ههههههههه..اكييييييييييييد اناا متأكده انه بعد في نااس ما تكلمت عنهم.. يللااااااا نتريااك ترد تكتب عنهم..ولاا بيزعلوون عليك.. |
•?[¦!• مجله ماجد •!¦]?•
,,,,احلـــــــــــــــــى مجلة كنـــــــــــــــت اشتريها وحاليا اشتريـها بس لاخوانـــــــــي الصغار,,,, ...شكرا دندونه ع الموضوووووووووووووووع المميز... |
اقتباس:
صدقت والله كاانت عجيبه.. يا ريت تشااركني بأسماااااااء اكثر.. لانه اكيد ف حيااتك اسمااء لهاا بصمه ف حيااتك.. العفووووووووو اخووي.. |
http://www.alamuae.com/up/Folder-013...979d9e6717.gif
أمي وابويه... مهما قلت عنهم مارح اووفي.. افضالهم عليه لاتعد ولاتحصى.. الله يحفظهم .. ويحفظ كل امهاتنا وآباءنا وان شااءالله يكونون دووم راضيين عنا. موضوع روووووووووووعه حلوووووووو وااااااااااااايد مميز وفنااااان تسلمين دندونــة ع الابداع.. الى الاماااااااااااااااااااااام ولاتحرمينا من مواضيعج الحلووووه 36_1_11[1]. http://www.alamuae.com/up/Folder-013...11c424bb03.gif |
http://www.alamuae.com/up/Folder-013...979d9e6717.gif بعد اسماء من حياتي ::: دكتور الجامعه: دكتور مادة "مهنة التعليم" و" تعليم الكبار" صرااحه الله يوفقه هالدكتور ويحفظة.. مميز ومبدع المحاضرة مدتها ساعتين!! لاكن يمرن كن 5 دقايق!! ويكون ماودك ان المحاضرة اتخلص!! ايحبب الطالب ف المادة وفي الكليه بعد.. هذا غير انه يعطينا معلومات وااااايدة ويزيدنا ثقافة وتسلميييييييييييين دندونة ع الموضوع الحلوووووووووووووووووووووووووو رااااائع وعاينبي وااااااااايد ^_^ http://www.alamuae.com/up/Folder-013...11c424bb03.gif |
اقتباس:
يسلم غااااااااليج مراسلتنااااااااا.. |
اقتباس:
مااااااا شااااء الله عليه..والله يكثر من امثااله.. الصرااااحه في اسااتذه جي..تعااملهم وياا الطلااب واايد اووكي.. بأسلووبهم الرااقي يقدروون يحببوون الطاالب ف المااده.. يسلمووووووو مرااسلتنااااا على مرورج الحلووو.. |
موضوعج حلووو وماا عليه كلااام
انا مسوتنه من فتره من منتدى وعيبهم بس حلو بعد التجديد يشاركونا ناس يدد علينااااا ثانكيووو الغلاااا وانا بخلي اسمااي ااحين بسير ادوور ووي حطيتهن خخخ ولي رررررررجعه |
اقتباس:
ويييين هالغيبه؟؟ ههههههههه..خلااااص اتريااااا مشااركتج.. |
[COLOR="Red"]قررت بأن انحت لكمــ على صفحات هذا المنتدى اسماء نٌحتت في حياة وذاكرة قلب ღ ريمـ بدية ــاني ღ.
. • قـــــــــابوس •. . من منا لا يحمل هذا الأسم بين ضواحي وزوايا قلبه..؟!؟ أسم نقش نفسه وحفر حروفه على قلوبنا وفرض حبه علينــا ...! أسم عندما أذكره أقف عاجزه عن الحركة وتتصنم كل أعضاء جسمي.. فهو قائدي ومعلمي ذلك الشخص اللذي اتلفظ بإسمه فيتعطر المكان بطيب ذكره...! (الله يحفظك يا جلاله السلطان ويخليك ذخر لشعبك وبلادنا الغاليه والله يحفظك من كل شر) . . • امــــــي & ابــــوي • . . قلنا الحروف 28 حرف يصعب علينا وصف غلاوة هالشخصيـــــــــــــــــــــــــن لانه لو مب هم ما كنا موجودين ... آآآآه ويليه شكثر احبهمــ.. ادري اني ازعلكمــ مني دوومــ.. بس والله مايهون عليه اشوفكمــ مضايقين مني ولو لحظه.. انتو لو تميت اكتب عن عظمتكمــ وغلاكمــ من الحينه لين باجر الصبح..مابخلص..انتو دنيتي وعيوني لي اشوف بها .. فـ كل اللي اقدر اقوله ( الله يحفظكمــ ليه ويطولي بعماركمــ ويعطيكمــ الصحه والعافيــه ،، وانا آسفه ع كل لحظه زعلتكمــ فيها ) .. . . • أخوانـــــــي • . . اخواني من اغلى الناس ع قلبي..والله ارتاح يومــ اكلمهم وايد..اخوان بكل معنى الكلمه..وقفوا ويايه وقفات ماانساها لهمــ ماحييت..يعرفون كيف يضحكوني يومــ اكون مضايجه..ودومــ يقولولي ياويييله اللي يزعلج او يجرحج بكلمه ^_^ ،، يستاهلون كل خيـــر والله .. ربي يوفقكمــ ويحفظـــكمــ ويجعل اللي فـ بالكمــ من نصيبكمــ ياارب *_^.. . . •هــــــند •. . بئر اسراري..كل صغيره وكبيره عني وعن حياتي اتعرفها..من اغلى ربيعاتي ع قلبي.. وقفت ويايه كل ماحتجت لها..معنه نزعل من بعض واايد ودوومــ تقوليه انتي تفكرين بأغلاط غيرج وماتفكرين بأغلاطج ( يمكن كلامها صحيح..الله اعلمــ ) ^_^ لكن هي تدري انا شكثر احبها واغليها.. واحب اقولها : هنووده فديتج انا آسفه ع كل مره زعلتج او جرحتج فيها ،، ادري انيه احياناً يومــ اعصب اقول او اسوي اشياء تجرح ،، بس انا اعرف انه قلبج كبير ويسامح .. ربيـــه يحفظج ليــه ويديمــ المحبـــه امبينـــا يااغلى الخلان .. . . • مــــــــها • . . والله مادري شو اقول..هالإنسانه كانت اقرب من روحي لي..كنا دوم انا وياها وهنووده..وااااايد حاولوا يفرقون امبينا..بس صداقتنا كانت اقوى.. كان اللي يشوفنا يقول خوات..نفس الافكار..نفس الاسلوب..نفس الذوق..نتشابه فـ كل شي.. ببساطــه كانت توأمــ روحي..بس ياخساره..بكل سهوله تغيرت عليه بسبة (....) ماقول غير الله يسامح اللي كان السبب..والله ماانسى يومــ اللي ييت سألتج مهايه شخبارج؟! قلتي لي ماعندج سالفه ماخذتني من عند البنات تسألني شخبارج !!!!! والله والله يا مها صدمه مابعدها صدمه..ماتصورين شكثر جرحتيني بكلامج.. ولاتستغربين اني بعدها تغيرت عليج مثل ماتغيريتي عليه وبدلتيني بوحده ماتسوى بيزه..وانتي كنتي اول الناس اللي يحذروني منها..!! والحينه اشوف كيف تصرفاتج متغيره ويا كل الناس مب بس انا..انتي مش مها اللي اعرفها !! الله يسامح اللي كان السبب..الله يسامحه.. بس صدقيني بتمين التوأمــ اللي لقيته مره وحده فحياتي..ومابلقاه مره ثانيــه.. ! ( فـ امان الله ياذيج السوالـــف ) ! . . • رحمــــه • . . من اطيب خلق الله..انسانه عانت واايد..وذاقت العذاب الوان..ومع ذلك مازال لها قلب ينبض وفا وطيب.. بصراحه اعتبر نفسيه محظوظه كونها ربيعتي..رحمه صادقه ، ماتحب النفاق ، ماتعرف اتجامل ( تعطي فـ الويه كااش ^_^ ) بس مع ذلك ربي يعلم شكثر احبها هالبنيه ،، الله يحفظـــج ويوفقج ويبعد عنج الكدر والهمــ ويرزقج باللي يعوضج عن كل الويل اللي شفتيه فـ حياتج يا رحمه .. . . • رقيـــــــه •. . كتبت لي في يوم على وشاح تخرجي من الاعداديه..! ( سنين العمر لو تمضي.. اببقالك سند وحزام ..اببقالك خوي لو يطول الوقت ما خانك) آآآآآآآآآآه يا رقيه كم أشتقت لج ..كانت نصفي الثاني أيام االابتدائي والاعداديه..! عشت معها أجمل لحظات عمري من الصعب أن أنساها... كبرنا مع بعضنا البعض من الروضه إلى االاعداديه بعدها أفترقنا..! قادها مصيرها للعاصمه مســقط ..! رحتي وتركتني بعدها أعاني من جرح كبير لن يندمل ويلتأم مهما حاولت..! كانت اختي وصديقتي..! اشتقت لج ولابتسامتج اللي ما شفت مثلها حتى اليوم...! اشتقت لصوتكٍ اللذي يحمل بحة حلووه ...!..!. . أسأل ربي اللذي جمعنا في دنيا فانيه أن يجمعنا في جنة قطوفها دانيه..! . . • الثريـــــــا• . . انسانه اكرهها بمعنى الكلمه .. ادري انه المفروض الانسان مايكره حد .. لكن هالانسانه بالذات .. يااالله كمــ اكرهها .. انسانه منذ دخولها في حياتي..دمرت كل شيء.. واخذت تسلبني احبائي فرداً فرداً .. فعلاً اكرهها.. لا اريـــد التكملــه .. كل اللي اقولج ايـــاه ( الــلـــه يــســامحــج ولج يومــ يا الثريــــا وصدقيني بدنيتج بتعانين( . . • فطوم & نواري & ثريه & شواخي .. و.. و .. •. . .ربيعاتي فـ المدرسه ،، احبهن وايد واغليهن.. نقضي ويا بعض احلى اوقات..خبال وهبل وسوالف.. يمكن في منكن ماعرفتهن زين ..لكن الشاهد الله بنات ولا كل البنات..طيب واخلاق وروح حلوه ،، ربيــ يحفظكن ويوفقكن فـ حياتكن .. . . • بو شهــــــاب • . . عندما يتغيــر عليك اعز الناس ..! انســــان عـــزيز علـــي" قضيت مــعظم أوقـــاتي معه.. كـــان الانــــسان الـــذي اشـــكو لـــه هـــمومي.. وتسعده ابتسامتي الرقيقه وكــان يـــهتــم بــي.. ولا يـــقدر عــلى فراقـــي.. وحـــالي لايــصبح أفضـــل إلا بشوفه و بـلقــياه..و ســماع صــوته كـــل يــوم.. للأسف خالــــــي بو شهـــاب زوجته اخذت مكاني ربي يحفظك وين ما كنت... ويعلني مااذوف حزنك يا بو شهاب ^_^ . . • نبيل •. . كم أحقد على هالإنسان في كل مره أروح فيها له يجعلني أتألم الليل بطوله..! ولا اقدر اكل ولا انام ولا اتكلم...لا تخافوا ترى هذا دكتور أسناني..! آآآخ كم أكره صوت الآله المزعجه اللتي تسبب لي صداع نصفي يوم تحفر في أسناني..! و ما يضيج بي انه دائما يحاول أن يخفف عني الألم فيحاول يطرح النكت ولكني اجدها تافهه..! ويحاول أن يستظرف ويجعل موقفه جيد وأنه شخص طيب..! أنا اعرف أنكم تضحكون علي ولكني أعيش برعب من دكتور الأسنان..! ولكن كثيرا ما نحتاج نحن أن ندخل إلى حياة هؤلاء الناس حتى يساعدونا..! الشي الوحيد اللي كان يسعدني يوم اروح له اللهجه العراقيه اللتي يتحدث بها وغيابي..! عن حصصي الدراسيه في المدرسه ههههه . . • عبدالصبور •. . الخياط اللي اتعامل معه كثير ما يرفع لي ضغطي..! و يخرج الشرار من عيني ..يجعلني اثور من الضيج والنحاسه خخخ يووم ما يحط جيب في " الجلابيه"..! فهي من الاشياء الاساسيه مسكين عبد الصبور كثير ما يراودني أن أكسر المحل على رأسه..!يووم ما يخلص من شغله على ..! " ثيابي" ولكن..أنا من دخلت حياته وأنا من أحتاج له ...! . . • شهرزاد • . . كاتبه أقرأ لها دائما.. جعلتني أبحر في شواطئها..! انا ما أشتري مجلة " زهرة الخليج"..! أسبوعيا إلا عشان أقرأ شواطئها..! أنا اتمنى أن ألقاها فهي علمتني أشياء كثيره..! ومنها أن أحترم إحساسي مهما كان..! كل حرف من حروفكٍ عن مئات الجمل..! . . • منتديات جعلان • . . الاسم ليس غريب على كل من يقرء موضوعي الأن كم احب هالمكان جمعني بأعضاء احبهم (( وعسى الله لا يفرقنا )) . . واخـيــــــراً ( بعض اعضاء منتديات جعلان ) الذين تربطهمــ بي علاقه اخويه عرفتهم من مده قريبه واعتبر المنتدى بدونهمــ مايسوى شي .. فتى بني ياس & بنت الشيوخ & ريم السلطنه & جعلاني للابد & الزعيم الساعدي & حور جعلان & توتو الصغيره & الســــــاعدي & فارسة الصحراء & الغلااا كاااش <ربيعتي & راسبيه وافتخر & دنونة بوظبي & التفاحه& جعلانيه طرر و. و.و انتمــ رائعون .. ومميزون بنظري وبنظر كل من شارك في منتديات جعلان .. تعيبني شخصياتكمــ.. مواضيعكمــ .. اساليبكمــ ..ولو بكمل مابخلص !! ادعي لكمــ من كل قلبي عسى الله يوفقكمــ ويحفظكمــ لنا ولهلكمــ ولمحبينكمــ .. ملاحظــه : عذراً من الأعضاء الذين قد اكون نسيتهمــ ولمــ اذكر اسمائهمــ ،، اسمحولي ولاتزعلون مني .. " آخر سطر " تحيه معطره اقدمها بعبق الورود من بديـــه النديــــــه الى مديرنا جعلان والاداريين جميعا واحد واحد واشكركمــ على جهودكمــ في المنتدى وربي يعطيكمــ الف عافيــه يميـــع .. ! ..أرق تحياتي وأعذبها لمن وصل في القراءة إلى هـــنا...![/COLOR] |
اخيييييييييييه شووووو هااا ما طلع بالالووواان خخخخ والله حاله
بس يلا بررايه مقبووول خخخخخ دندونة السمووحه شختي ع الطوواله |
• قـــــــــابوس •.>> الله يحفظه ويخليه ذخر لشعبه وبلاده الغاليه..
• امــــــي & ابــــوي •>> مشااعر حلوه منج لوالديج..الله يحفظهم لج.. • أخوانـــــــي •>> الله يخليكم وتكونوا سند وذخر لبعض... •هــــــند •.>> الله لايحرمكم من بعض..والله الله ف ربيعتج لا تزعليهاا تراا النااس الحين دوور صدااقه وما تحصل.. • مــــــــها •>> مدري شو اقولج..الصرااحه تأثرت..يللاا ما عليه شده وتزوول..وخلج الاحسن وسألي عنهاا..مردهاا بتعرف غلطهاا وبتعرف انهاا فرطت بأنساانه تغليهاا ولا تبدلهاا بكنووز الدنيا... . • رحمــــه •>>الله يهوون عليهاا ويسعدهاا..ويخليكم لبعض.. • رقيـــــــه •.>> أسأل ربي اللذي جمعكم في دنيا فانيه أن يجمعكم في جنة قطوفها دانيه..>> ما اقدر الا اني ادعيلكم بهالدعااء • الثريـــــــا• >> الله يساامحهاا..وصفي قلبج من الكره لانهاا اكيد ما تسوى.. . • فطوم & نواري & ثريه & شواخي .. و.. و .. •.>> الله يدييم الونااسه عليكن.. .• بو شهــــــاب •>> لااا فديتج محد ياخذ مكان احد..واكيد انتي ماتهونين عليه وبعده لج مكاانه ف حياته..والله لا يحرمكم من بعض.... • نبيل •.>> هههههههه يحليله شوو يسوي ترااه شغله.. . • عبدالصبور •.>> ههههههه ترااني كلناا نفس حالتج..الله يعيناا عليهم..>> حايتناا عندهم.. • شهرزاد •>> هي ما شاء الله عليهاا مبدعه..كنت اقراا لهاا..بس الحين انقطعت.. • منتديات جعلان •>>(( وعسى الله لا يفرقنا )) . واخـيــــــراً ( بعض اعضاء منتديات جعلان ) >>اكيد هم بعد لج مكاانه ف قلووبهم..ويتمنوولج التوفيج ف حيااتج يسلمووووو ريمااني على تفااعلج معاايه ف الموضوووع.. الصراااااحه اناا صدق تأثرت من الكلاام اللي كتبتيه..احسج صدق طلعتي كل اللي بخااطرج..وعطيتي كل شخص بحياتج وقفه..تعبرين فيهاا عن شعوورج اتجااهه.. |
تسلميــــــــــــن فديتج من طيب اصلج والله
افا عليج ما سوينا غير الواجب وها اقل من القليل وهناك اكيد ناس بعدنا ما وفيناهم لاني اعرف اذا كتبت من اليوم الى باجر ما بعطيهم حجهم ما اقدر اجول غير ربي يحفظهم من وين ما كانوا رد مميز شرات صاحبته طبعا ثانكيـــــــــو دنونة وربي يحفظج الغلا ا خويتـــــــج ريمانــــــي |
اقتباس:
صدقتي والله.. العفووووو فديتج.. يحفظناااا يميــــــــــــــــــع .. |
أبوي
تعلمت منه اشياء وايد علمني التضحيه والحب والتسامح واشياء وايد لا تعد ولا تحصى و وافتخر انه ابوي ومشتاقه له وااااااااايد "م" صديقه عشت معها وكنا سند لبعض وترد بالسلامه "اخوي" ربي يحفظه لي ويطول بعمرة هو سندي ف دنيتي " ربيعاتي ف الكليه" فديتهم والله احلى ربيعاتي مااقدر اوفى حقهن لانهن يستاهلن اكثر "أ" انسان ساعدني وايد ووقف معي وربي يحفظه واسامي وايد لو اتم لين باجر مب مخلصه وربي يحفظ الجميع |
الواالد>> يستاهل منج الوقفه..وعليج تكملي دربه وتبيضين الويه..
"م">> الله لايحرمكن من بعض..ويردهاا لج بالسلاامه.. "اخوي">> الله يحفظه لج.. " ربيعاتي ف الكليه">> الله يخليكم لبعض.. "أ">> يستااهل منج هالوقفه..وربي يحفظه لج.. آآآآآآآآمين.. يسلمووووووو غربه الروح ع المروووور.. |
الواالد>> يستاهل منج الوقفه..وعليج تكملي دربه وتبيضين الويه..
وهذا الي انا قاعدة اسوية الحين تسلمين الغاليه وتقبلي مروري فديتج |
هلااااااا انااااااااا ف خاطري اتكلم عن اسماء ف حياتي..
خالي>> هالانساااااان مدري شو اقول عنه..اهو خال ولا اخوو ولا صديق.. والله اني اموووووت عليه..كان هو يوديني وييبني ..وكاان دووم يقومني من الرقااد عشاان اتريق معااه..>> كنت اكره هالحركه منه..>.< الحمد الله الحين عرس واشتغل وربي يوفجه ف كل خطواته.. اخوي الاصغر مني بسنه>> هاا الــ Boss يعني صح اهو اصغر مني..بس بجسمه ما شاء الله عليه يبين اكبر عشاان جي اخااف منه..>> دووم ربيعاتي يحتشرن عليه ليش اسمع كلامه واخااف منه ..^^ بس والله انه طيب وما يقوول لا الا ف حالات نادره.. الله يوفجه ويهديه ويبعد عنه ربع السووء.. ولد اخووي>> هالانسااااان كلمه معقـــــــــــد شويه عليه..مخه مقفل مرره ..يحسسني انه عايشين ف العصر الحجري بأفكااره..بس سوااااالفه حلوه>> حفظتهاا من كثر ما يعيد ويزيد عليهاا^.^ الله يوفجه ويكتبله بنت الحلال>> حاشرنا ف البيت يبا يعرس^^ |
زااااااااااااااااااااااااااااااااايد
محمد بن زاااااااااااااااايد (ابو خالد ) خليفة بن زااااااااااااايد عبدالله راشد والاكثير وتسلمين اختي اعز ربيعاتي |
اقتباس:
|
محمد عبد القدوس+ عبد الرحمن
الدوبي يعني الكوااي اصبر معهم الرصيد كل مايخلص الرصيد مساكين البنغالية مايعرفوا يزودو الحساب.... عبد القادر صاحب المطعم إلي حذالنا كل يوم براطا و شاي طبعا سجل ف الدفتر... وأخيرا وليس أخرا محمد الايراني راعي الدكان نفس اغا حق فريج العيايز... |
| الساعة الآن 10:42 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][